Hukom 20:18 - Marahay na Bareta Biblia

¹⁸ Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

Hukom 20:18 ပူးပေါင်းရင်းမြစ်များ

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Mga Bilang 27:21

Magsasarig siya sa pading si Eleazar na makakaaram kan sakong kabotan para saiya huli sa paggamit kan Urim asin Tummim. Sa paaging ini gigiyahan ni Eleazar si Josue asin an bilog na komunidad sa gabos nindang gigibohon.”

Mga Bilang 27:5

Dinara ni Moises an saindang kaso sa Kagurangnan.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Josue 9:14

Inako kan mga kamagurangan an pagkakan ninda, alagad dai ngona nakihumapot sa Kagurangnan.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

Hukom 19:18

Nagsimbag an Levita, “Hale kami sa Betlehem sa Juda asin ngunyan papuli na kami sa samong harong sa mabulod na daga nin Efraim. Mayo nin siisay man na nag-alok samo na magkatorog sa saiyang harong ngunyan na banggi

Hukom 20:17

An ibang mga Israelita na bakong kabilang sa mga Benjaminita, nakatipon nin apat na gatos na ribong soldados; an lambang saro tood sa pakilaban.

Hukom 20:19

Kaya kan sunod na aldaw, nagkampo an mga Israelita sa may syudad nin Gibea.

Hukom 20:7

Mga Israelita kamo gabos na uya digdi. Ano an satong gigibohon manongod sa bagay na ini?”

1 Samuel 10:3

Dangan magpadagos ka sagkod na makaabot sa sagradong kahoy sa Tabor, saen masasabat mo an tolong lalaking nagtutukad pasiring sa Betel tanganing magdolot nin atang sa Dios. An saro sainda may darang tolong ogbon na kanding, an ikaduwa, may darang tolong tinapay, asin an ikatolo, may darang laogan na anit na pano nin arak.