Hukom 20:17 - Marahay na Bareta Biblia

¹⁷ An ibang mga Israelita na bakong kabilang sa mga Benjaminita, nakatipon nin apat na gatos na ribong soldados; an lambang saro tood sa pakilaban.

Hukom 20:17 ပူးပေါင်းရင်းမြစ်များ

1 Mga Cronica 21:5

Itinao niya ki David an kabilogan na bilang kan mga lalaking maninigong maglingkod sa hukbo: sarong milyon sanggatos mil sa Israel asin kwatro syentos setenta mil sa Juda.

Mga Bilang 26:51

An kabilogan na bilang kan mga Israelitang lalaki uminabot sa seis syentos uno mil, syete syentos treynta.

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

Hukom 20:2

An gabos na namamayo kan mga tribu nin Israel yaon duman sa pagtiripon kan banwaan nin Dios siring man an apat na gatos na ribong soldados.

Hukom 20:22

Dangan nagduman an mga Israelita sa lugar na pinagsasambahan asin nagmondo sa atubang nin Kagurangnan sagkod magbanggi. Pakatapos, naghapot sinda saiya, “Makikilaban pa daw kami sa samong mga tugang na Benjaminita?” Sinimbag sinda nin Kagurangnan, “Labanan nindo sinda.”

1 Samuel 11:8

Tiniripon sinda ni Saul sa Bezek: tres syentos mil na lalaki hale sa Israel asin treynta mil na lalaki hale sa Juda.

1 Samuel 15:4

Kaya pinatiripon ni Saul an saiyang mga soldados asin binilang sinda sa Telem; dos syentos mil an hale sa Israel asin dyes mil an hale sa Juda.