Hukom 20:13 - Marahay na Bareta Biblia

¹³ Kaipuhan isuko nindo an mga marigsok na lalaki kan Gibea tanganing gadanon mi asin tanganing mahale an karatan sa Israel.” Alagad dai sinda dinangog kan mga Benjaminita.

Hukom 20:13 ပူးပေါင်းရင်းမြစ်များ

2 Samuel 20:1

Nangyari na duman sa Gilgal, igwa nin sarong tawong mayo nin halaga na an ngaran Sheba, na aking lalaki ni Bikri, na gikan sa tribu ni Benjamin. Pinatanog niya an trompeta dangan nagkurahaw, “Mayo kaming kahirasan ki David; mayo kaming pamana hale sa aki ni Jesse! Mga Israelita, magpuruli na kita!”

2 Samuel 23:6

Alagad an mga mayong dios arog sa mga tonok na itinatapok; mayo saindang mangahas madodotdot.

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

2 Mga Cronica 13:7

dangan nagtipon siya nin sarong grupo nin mayo nin halagang mga tawo asin kinalaban ninda si Rehoboam, na aking lalaki ni Solomon. Dai nin naginibo sainda si Rehoboam huli ta ini aki pa saka mayo nin pakaaram.

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

2 Mga Cronica 25:20

Alagad habong magdangog si Amazias. Kabotan nin Dios na madaog si Amazias huli ta nagsamba ini sa mga dios-dios nin Edom.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Parahulit 11:10

Lingawan nindo an anoman na kahandalan nin isip o kulog nin hawak, huli ta dai man mahahaloy an saindong pagkanihoben.

Oseas 10:9

Nagsasabi an Kagurangnan, “Dai nag-ontok sa pagkasala an banwaan nin Israel laban sako poon pa kan magkasala sinda sa Gibea. Kaya aaboton sinda nin gera sa Gibea.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Roma 1:32

Aram nindang sinasabi sa katogonan nin Dios na maninigong gadanon an mga tawong arog kaiyan an ginigibo, alagad padagos pa sinda sa paggibo nin maraot asin inooyonan pa ninda an mga naggigibo nin siring.

2 Corinto 6:15

Paanong magkaoyon si Cristo saka an Diablo? Paanong magkapareho an paratubod saka an bakong paratubod?

Deuteronomio 13:13

na nagkapirang maraot na tawo an nagdagka sa mga nag-eerok sa banwa na magsamba sa mga dios-dios na dai pa lamang nindo sinamba kaidto,

Deuteronomio 13:5

Alagad gadanon nindo an propeta o an parapaliwanag nin mga pangatorogan na idto, huli ta tinutukdoan niya kamo na magtumang sa Kagurangnan, na nagligtas saindo sa Egipto, saen kamo nagin mga oripon. Maraot an tawong iyan huli ta dinadagka niya kamong magtalikod sa pamumuhay na ipinagboot nin Kagurangnan. Kaipuhan gadanon siya tanganing mahale an karatan na iyan sa tahaw nindo.

Deuteronomio 13:6

“Kun an saindong tugang o an aki nindong lalaki o babae, o an namomotan nindong agom o an saindong nangongorog na katood, hilom na magdagka saindo na magsamba sa ibang mga dios na dai pa nindo sinamba asin kan saindong mga ginikanan,

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.

Deuteronomio 17:7

An mga saksi iyo an enot na magapo saiya dangan masunod an iba; sa siring na paagi, mahahale sa saindo an karatan na iyan.

Deuteronomio 19:19

itatao saiya an padusa na dapat kuta nang itao sa saiyang kapwa. Sa siring na paagi, mahahale an karatan na iyan sa tahaw nindo.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Deuteronomio 22:24

darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 24:7

“An siisay man na mangidnap nin kapwa Israelita tanganing oriponon o tanganing ipabakal bilang oripon, kaipuhan gadanon. Sa siring na paagi, mahahale saindo an karatan na ini.

Hukom 19:22

Mantang nag-oogma sinda, biglang pinalibotan an harong kan gurang nin nagkapirang marigsok na kalalakihan kan banwa, dangan tinubtob an pinto. Sinabihan ninda an gurang, “Paluwasa an lalaking kaiba mo pagpuli sa saimong harong tanganing madorogan mi siya!”

Hukom 20:12

Nagpadara nin mga sugo an mga Israelita sa bilog na teritoryo ni Benjamin asin nagsabi, “Anong karatan ini na saindong ginibo?

Hukom 20:14

Nagtiripon sa Gibea an mga Benjaminita hale sa manlaen-laen na syudad tanganing labanan an ibang mga Israelita.

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.

1 Samuel 30:22

Alagad an nagkapirang maisip asin mayong halagang mga lalaki na nag-iba ki David an nagsarabi, “Dai sinda maninigong tawan kan satong sinamsam, huli ta dai sinda nag-iba sato. Pwede nindang kuahon an saindang mga agom asin mga aki dangan makakahale na sinda.”