Hukom 2:21 - Marahay na Bareta Biblia

²¹ dai ko na papahaleon an arin man sa mga natatadang nasyon sa daga pagkagadan ni Josue.

Hukom 2:21 ပူးပေါင်းရင်းမြစ်များ

Ezekiel 20:24

huli ta dai ninda kinuyog an sakong mga pagboot; linapas ninda an sakong mga togon asin an Sabbath, saka sinamba ninda an parehong mga dios-dios na pinaglingkodan kan saindang mga ginikanan.

Josue 23:13

saboton nanggad nindo na dai na papahaleon nin Kagurangnan na saindong Dios an mga nasyon na iyan sa pagdangadang nindo. Alagad sinda magigin sarong siod saka sarong kalot para saindo, sarong makosog na panghampak sa saindong likod, sagkod mga tonok sa saindong mga mata. Dangan magdadanay iyan sagkod na mayo nang matada saindo digdi sa marahay na dagang itinao saindo nin Kagurangnan na saindong Dios.

Josue 23:4

Itinao ko na saindo bilang pamana kan saindong mga tribu an mga dagang dai pa nasasakop, siring man an gabos na daga kan mga banwaan na nasakop ko na, magpoon sa Salog nin Jordan sa parteng sirangan sagkod sa Dagat nin Mediteraneo sa parteng solnopan.

Josue 23:5

Papasibogon sinda nin Kagurangnan na saindong Dios asin papahaleon sa pagdangadang nindo. Mapapasaindo an daga ninda siring sa panuga saindo nin Kagurangnan na saindong Dios.

Hukom 1:1

Pakagadan ni Josue, hinapot an Kagurangnan kan banwaan nin Israel, “Arin sa mga tribu an enot na masalakay sa mga Cananeo?”

Hukom 2:3

Kaya sinasabihan ko kamo ngunyan na dai ko papahaleon an mga tawong ini sa pagdangadang nindo. Magigin mga kaiwal nindo sinda asin an pagsamba sa saindang mga dios-dios iyo an magigin siod nindo.”

Hukom 3:1

Kaya itinada nin Kagurangnan an nagkapirang nasyon sa daga tanganing baloon an mga Israelita na dai pa nakanamit nin gera sa Canaan.

Hukom 3:3

An mga natada iyo: an limang syudad kan mga Filisteo, an gabos na Cananeo, an mga Sidoneo, an mga Heveo na nag-erok sa Kabukidan nin Lebanon magpoon sa Bukid nin Baal-hermon sagkod sa agihan pasiring sa Hamat.