Hukom 2:19 - Marahay na Bareta Biblia

¹⁹ Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.

Hukom 2:19 ပူးပေါင်းရင်းမြစ်များ

Genesis 6:11

alagad an ibang tawo maraot sa atubang nin Dios asin an daga napano kan saindang kadahasan.

Nehemias 9:28

Alagad kan magkaigwa sinda nin katoninongan, nagkasala giraray sinda, kaya ipinasakop mo giraray sinda sa saindang mga kaiwal. Alagad kan magsolsol sinda saka maghagad saimo nin tabang, hale sa langit dinangog mo sinda. Kadakul na beses na ilinigtas mo sinda huli kan saimong dakulang pagkaherak.

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Exodo 32:7

Nagtaram an Kagurangnan ki Moises, “Humilig ka tolos, huli ta an saimong banwaan, na ilinuwas mo sa Egipto, nagin maraot asin nagkasala.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Ezekiel 20:30

Kaya isabi mo sa mga Israelita na ini an tataramon ko: tadaw ta dinidigtaan nindo an saindong sadiri arog kan saindong mga ginigikanan, asin linalamag nindo an saindang mga dios-dios?

Mateo 23:32

Kun siring, taposa nindo an pinonan kan saindong mga ginikanan!

Deuteronomio 31:29

Aram kong pagkagadan ko, magigin maraot an banwaan na ini, asin isisikwal ninda an itinukdo ko sainda. Sa maabot na aldaw, maraot an mangyayari sainda, huli ta papaanggoton ninda an Kagurangnan huli sa paggibo kan mga bagay na ipinapangalad niya.”

Josue 24:31

Mantang nabubuhay pa si Josue, naglingkod sa Kagurangnan an mga Israelita asin pagkagadan niya, nagpadagos sinda sa paglingkod sa Kagurangnan mantang nabubuhay pa an mga lider na nakahiling kan gabos na ginibo nin Kagurangnan para sa Israel.

Hukom 10:13

Alagad binayaan nindo ako asin sinamba nindo an ibang dios, kaya dai ko na kamo ililigtas.

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.

Hukom 2:20

Dangan naanggot an Kagurangnan sa Israel asin nagtaram, “Dai inotob kan nasyon na ini an tipan na ipinagboot ko sa saindang mga ginikanan. Huli ta dai sinda nagsunod sako,

Hukom 2:7

Mantang buhay pa si Josue, naglingkod sa Kagurangnan an bilog na Israel, asin maski kan magadan na siya, padagos man giraray sinda sa paglingkod mantang mga buhay pa an saindang mga lider na nakahiling kan dakulang ngangalasan na ginibo nin Kagurangnan para sa Israel.

Hukom 4:1

Pakagadan ni Ehud, an banwaan nin Israel nagkasala na naman sa Kagurangnan.

Hukom 8:33

Pakagadan ni Gideon, an banwaan nin Israel nagtalikod giraray sa Dios asin nagsamba sa mga Baal. Ginibo nindang dios si Baal-berit,

1 Samuel 15:23

Huli ta an pagrebelde arog sa kasalan nin panghuhula; an katagasan nin payo arog sa kasombikalan asin sa pagsamba sa ladawan. Huli ta sinayumahan mo an pagboot nin Kagurangnan, isinikwal ka man niya bilang hade.”