Hukom 2:17 - Marahay na Bareta Biblia

¹⁷ Alagad dai ninda dinangog an saindang mga hukom. Dai sinda nagmaimbod sa Kagurangnan; nagsamba sinda sa ibang dios. Dai sinda nagsunod sa mga ipinagboot nin Kagurangnan, bakong arog kan saindang mga magurang.

Hukom 2:17 ပူးပေါင်းရင်းမြစ်များ

Salmo 106:39

Nagin maati sinda huli kan saindang mga gibo, asin nagtalikod sinda sa Dios.

Salmo 106:43

Dakul na beses ilinigtas sinda nin Kagurangnan, alagad pinili ninda an magsombikal, asin orog sindang nalunod sa kasalan.

Salmo 73:27

Magagadan nanggad an mga harayo saimo; ginagadan mo an mga bakong maimbod saimo.

Exodo 32:8

Tinalikodan na ninda an ipinagboot kong gibohon ninda. Naggibo sinda nin metal na baka, asin sinamba ninda ini saka dinolotan nin atang. Nagsarabi sinda na iyo idto an saindang dios na nagluwas sainda sa Egipto.”

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 6:16

Nagtaram an Kagurangnan sa saiyang banwaan, “Tumindog kamo sa pinagsasangahan kan mga dalan saka magmasid kamo. Maghapot kamo kun saen an suanoy na mga agihan asin kun arin an pinakamarahay na dalan. Diyan kamo maglakaw, asin mabubuhay kamo sa katoninongan.” Alagad nagsabi sinda, “Dai kami maagi diyan!”

Oseas 2:2

Mga aki ko, makimaherak kamo sa saindong ina—maski bako na siya sarong agom para sako, asin bako na ako an saiyang agom. Makimaherak kamo saiya na ontokon na niya an pakikidorog sa ibang lalaki asin an saiyang pagigin sarong maraot na babae.

Levitico 17:7

Kaya dai na nanggad sinda magbubuno nin mga hayop sa kaawagan bilang dolot sa mga demonyo. Kaipuhan kuyogon kan mga Israelita an pagsusundon na ini sagkod lamang.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Galacia 1:6

Nagngangalas ako kun tadaw ta minabaya tolos kamo sa Dios na nag-apod saindo huli sa biyaya ni Cristo, dangan minasunod kamo sa ibang “marahay na bareta.”

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 31:18

Dai ako matabang sainda huli ta naggibo sinda nin maraot dangan sinamba ninda an mga dios-dios.

Deuteronomio 9:12

“Dangan nagtaram sako an Kagurangnan, ‘Humilig ka tolos hale sa bukid na ini, huli ta an saimong banwaan, na ilinuwas mo sa Egipto, nagin maraot asin nagkasala. Tinalikodan na ninda an ipinagboot kong gibohon ninda asin naggibo sinda nin metal na dios-dios para sainda.’

Deuteronomio 9:16

Nahiling kong linapas na tolos nindo an pagboot na itinao saindo nin Kagurangnan na saindong Dios. Nagkasala kamo saiya huli sa paggibo nindo nin metal na baka.

Josue 24:24

Nagsimbag giraray saiya an mga tawo, “Maglilingkod kami sa Kagurangnan na samong Dios. Kukuyogon mi an saiyang mga pagboot.”

Josue 24:31

Mantang nabubuhay pa si Josue, naglingkod sa Kagurangnan an mga Israelita asin pagkagadan niya, nagpadagos sinda sa paglingkod sa Kagurangnan mantang nabubuhay pa an mga lider na nakahiling kan gabos na ginibo nin Kagurangnan para sa Israel.

Hukom 2:7

Mantang buhay pa si Josue, naglingkod sa Kagurangnan an bilog na Israel, asin maski kan magadan na siya, padagos man giraray sinda sa paglingkod mantang mga buhay pa an saindang mga lider na nakahiling kan dakulang ngangalasan na ginibo nin Kagurangnan para sa Israel.

Hukom 8:33

Pakagadan ni Gideon, an banwaan nin Israel nagtalikod giraray sa Dios asin nagsamba sa mga Baal. Ginibo nindang dios si Baal-berit,

1 Samuel 12:12

Alagad kan mahiling nindo na sasalakayon kamo ni Hadeng Nahas nin Ammon, hinaboan nindo an Kagurangnan bilang saindong hade dangan sinabihan nindo ako, ‘Boot ming magkaigwa nin sarong hade na masakop samo.’

1 Samuel 12:17

Bakong tig-init ngunyan? Alagad mamimibi ako, asin mapadara an Kagurangnan nin daguldol saka uran. Kun mangyari ini, saindong maaaraman na dakula an saindong pagkakasala tumang sa Kagurangnan kan hagadon nindo saiya an sarong hade.”

1 Samuel 12:19

Nagsarabi sinda ki Samuel, “Pamibian man kami sa Kagurangnan na saimong Dios tanganing dai kami magkagaradan. Aram mi na ngunyan, na idinagdag mi pa sa gabos ming kasalan an karatan na ini, kan maghagad kami nin sarong hade.”