Hukom 2:15 - Marahay na Bareta Biblia

¹⁵ Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.

Hukom 2:15 ပူးပေါင်းရင်းမြစ်များ

2 Mga Cronica 12:1

Kan mapatindog asin mapapusog na ni Rehoboam an saiyang kapangyarihan bilang hade, tinalikodan niya asin kan bilog na Israel an katogonan nin Kagurangnan.

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 21:10

Nagdesisyon na ako na dai iligtas an syudad na ini kundi raoton. Itatao ini sa hade nin Babilonia, asin susuloon niya ini. Ako, an Kagurangnan, an nagtaram.”

Jeremias 44:11

“Kaya ako, an Kagurangnan nin mga hukbo, an Dios nin Israel, an makalaban saindo saka matunaw kan bilog na Juda.

Jeremias 44:27

Babantayan ko nanggad na dai kamo mabuhay kundi magadan. Gabos kamo magagadan sa gera o sa peste, sagkod na mayo saindo nin matada.

Mikas 2:3

Kaya nagsasabi an Kagurangnan, “Nagpaplano ako nin kapahamakan laban saindo, asin dai kamo makakaligtas diyan. Manunumpongan na sana nindo an saindong sadiri na nasa kahaditan. Dai na nanggad kamo makakapaabaw-abaw.

2 Corinto 4:8

Pinapasakitan kami sa gabos na paagi, alagad dai kami nadadaog; napupurisaw kami, alagad dai kami nawawaraan nin paglaom.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

Hukom 10:9

Nagbalyo pa sa Jordan an mga Ammonita tanganing labanan an mga tribu ni Juda, Benjamin, sagkod Efraim. Huli kaini, nagtios nin makuri an bilog na Israel.

Ruth 1:13

makakahalat pa daw kamo sagkod na dakula na sinda? Sinda kaya an makapugol sa dai nindo pagpaagom sa iba? Mga aki ko, aram nindong imposible iyan. Pinadusahan ako nin Kagurangnan, asin nakakamati ako nin kamondoan para saindo.”

1 Samuel 12:15

Alagad kun dai nindo hinanyogon an Kagurangnan, kundi lapason an saiyang mga togon, lalabanan niya kamo asin an saindong hade.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 30:6

Dakula an kahaditan ni David huli ta pinag-iisipan siyang gapoon kan saiyang mga tawohan huli kan pagkabihag kan saindang mga aki. Alagad pinakosog ni David an saiyang sadiri sa Kagurangnan na saiyang Dios.