Hukom 2:11 - Marahay na Bareta Biblia

¹¹ Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 2:11 ပူးပေါင်းရင်းမြစ်များ

Genesis 13:13

An nag-eerok sa Sodoma mga maraot na tawo asin mga parakasala sa Kagurangnan.

Genesis 38:7

Alagad maraot an ugale ni Er asin dai siya naoyonan nin Kagurangnan, kaya ginadan siya nin Kagurangnan.

1 Mga Hade 11:5

Nagsamba siya ki Astarte, an diosa nin Sidon, asin ki Molek, an makauuyam na dios nin Ammon.

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

1 Mga Hade 22:53

Nagsamba siya asin naglingkod ki Baal. Arog kan saiyang ama, pinaanggot niya an Kagurangnan, an Dios nin Israel.

2 Mga Cronica 28:2

asin sinunod niya an mga paarog kan mga hade nin Israel. Nagpagibo pa siya nin mga metal na ladawan ni Baal,

2 Mga Cronica 28:3

dangan nagtutong siya nin insenso sa Kapantayan nin Hinnom. Tinutong niya an sadiri niyang mga aking lalaki bilang mga atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Salmo 78:56

Alagad binalo ninda asin tinumangan an Kahorohalangkaweng Dios, asin dai ninda kinuyog an saiyang mga togon,

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 2:20

Nagsasabi an Kagurangnan na Makakamhan, “Israel, haloy mo nang isinikwal an kapangyarihan ko; habo mo akong kuyogon saka sambahon. sa ibabaw nin lambang halangkaw na bulod asin sa lindong nin lambang berdeng kahoy nagsamba ka arog sa sarong babaeng maraot.

Jeremias 2:23

Paanong nakakasabi ka na dai ka nadigtaan, na dai ka lamang nagsamba ki Baal? Hilinga kun paano ka nagkasala sa kapantayan; hilinga kun ano an saimong ginibo. Garo ka lalaw na babaeng kamelyo na hinahabagat na nagdadalagan sa gabos na direksyon,

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Mga Bilang 25:3

na si Baal nin Peor; kaya naanggot sainda an Kagurangnan.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 4:25

“Maski nahaloy na kamo sa dagang idto, asin nagkaigwa na nin mga aki saka makoapo, dai nanggad kamo magkasala huli sa paggibo para saindo nin ano man na ladawan. Sarong karatan iyan sa atubang nin Kagurangnan asin makakapaanggot iyan saiya.

Hukom 10:10

Dangan nag-agrangay an mga Israelita sa Kagurangnan asin nagsabi, “Nagkasala kami saimo huli ta nagtalikod kami saimo na samong Dios dangan nagsamba sa mga Baal.”

Hukom 10:6

Nagkasala giraray sa Kagurangnan an mga Israelita. Nagsaramba sinda sa mga Baal asin sa mga Astarte, patin sa mga dios-dios kan Siria, Sidon, Moab, Ammon asin Filistia. Binayaan ninda an Kagurangnan asin dai na nagsamba saiya.

Hukom 13:1

Nagkasala na naman sa Kagurangnan an mga Israelita kaya tinugotan nin Kagurangnan na sakopon sinda kan mga Filisteo sa laog nin kwarentang taon.

Hukom 3:12

Nagkasala giraray an Israel sa Kagurangnan, asin huli kaini an hadeng si Eglon kan Moab orog na pinakosog nin Kagurangnan ki sa Israel.

Hukom 3:7

Nalingawan nin Israel an Kagurangnan na saindang Dios; nagkasala sinda saiya asin nagsamba sa mga Baal sagkod sa mga Asera.

Hukom 4:1

Pakagadan ni Ehud, an banwaan nin Israel nagkasala na naman sa Kagurangnan.

Hukom 6:1

Nagkasala na naman sa Kagurangnan an banwaan nin Israel, kaya ipinasakop niya sinda sa mga Midianita sa laog nin pitong taon.

Hukom 6:25

Kan bangging idto, tinaraman nin Kagurangnan si Gideon, “Kuahon mo an toro kan saimong ama asin saro pang toro na pitong taon an edad dangan gabaon mo an altar na ginibo kan saimong ama para ki Baal asin palodon mo man an simbolo kan diosang si Asera na nasa kataed kaiyan.

Hukom 8:33

Pakagadan ni Gideon, an banwaan nin Israel nagtalikod giraray sa Dios asin nagsamba sa mga Baal. Ginibo nindang dios si Baal-berit,

1 Samuel 12:10

Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”

1 Samuel 7:4

Kaya hinale kan mga Israelita an mga ladawan ni Baal saka ni Astarte, asin an Kagurangnan sana an saindang pinaglingkodan.