Hukom 19:9 - Marahay na Bareta Biblia

⁹ Kan magtindog na tanganing maglakaw an lalaki asin an saiyang kasaroan patin an saiyang sorogoon, nagsabi an ama kan babae, “Nagdidiklom na, kaya digdi na ngona kamo magpaaga. Mag-ogma ka asin sa agang amay ka na maghale.”

Hukom 19:9 ပူးပေါင်းရင်းမြစ်များ

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Lukas 24:29

alagad pinugolan ninda siya, “Dai ka na magpadagos ta solnop na an aldaw asin nagdidiklom na.” Kaya nag-iba siya sainda.

Hukom 19:10

Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”

Hukom 19:6

Kaya nagtukaw an duwang lalaki asin nagkakan saka nag-inom. Dangan sinabihan siya kan ama kan babae, “Magpaaga ka na asin mag-ogma.”

Hukom 19:8

Amay siyang nagbangon kan ikalimang aldaw asin nag-andam nang maglakaw alagad nagsabi an ama kan babae, “Magkakan ka ngona bago maghale. Magpahapon ka na sana.” Kaya nagkakan sindang duwa.

Ruth 3:7

Pakatapos na magkakan asin mag-inom ni Boaz, maogma siyang nagduman sa tambak kan sebada dangan duman nagkatorog. Luway-luway na nagdolok saiya si Ruth, hinale an tahob kan saiyang bitis, asin naghigda sa pamitisan niya.