Hukom 19:3 - Marahay na Bareta Biblia

³ Nagdesider an lalaki na sosogon siya asin pakiolayan na umiba giraray saiya. Kaya ipinag-iba niya an saiyang sorogoon asin an duwang asno. Pag-abot duman, pinadagos siya kan babae asin kan mahiling siya kan ama kaini, maogma siyang sinabat.

Hukom 19:3 ပူးပေါင်းရင်းမြစ်များ

Genesis 34:3

Alagad nagayonan si Shekem ki Dina kun kaya tinuboan siya nin pagkamoot sa aking babae ni Jacob. Hiningowa ni Shekem na mahulog man an boot kaini saiya.

Genesis 50:21

Kaya dai kamo matakot, aatamanon ko kamo sagkod an saindong mga aki.” Siring an pagranga ni Jose sa saiyang mga tugang.

Jeremias 3:1

Nagsasabi an Kagurangnan, “Kun an sarong babae suhayan kan saiyang agom, dangan magpaagom siya sa ibang lalaki, dai na siya aakoon kan enot niyang agom. Ini an madigta kan daga. Israel, kadakul kan saimong sambay, alagad boot mo ngunyan na magbalik sako!

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 2:16

Dangan aapodon niya giraray ako na saiyang agom—dai na niya nanggad ako aapodon na saiyang Baal.

Levitico 19:17

“Dai kamo magtanom nin maraot na boot sa kiisay man; makipag-olay kamo saiya, tanganing dai kamo magkasala huli saiya.

Levitico 20:10

An siisay man na lalaking magdorog sa agom kan saiyang kapwa, gagadanon kaiba kan babae.

Mga Bilang 22:22

Alagad naanggot an Dios huli ta nagduman si Balaam, kaya nagtindog sa dalan an anghel nin Kagurangnan tanganing olangon an saiyang agihan. Nakalunad sa saiyang asno si Balaam asin kaiba niya an duwa niyang sorogoon.

Mateo 1:19

Si Jose sarong matanos na lalaki asin habo niyang masopgan si Maria; kaya nag-isip siyang suhayan ini sa hilom.

Juan 8:11

“Mayo,” an simbag kan babae. Sinabihan siya ni Jesus, “Dai taka man kinokondenar. Lakaw na asin dai ka na magkasala.”]

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Hukom 15:1

Pakalihis nin dakul na aldaw, kan tig-anihan nin trigo, sinungko ni Samson an saiyang agom asin dinarahan nin sarong ogbon pang kanding. Sinabihan niya an panugangan niyang lalaki, “Boot kong maglaog sa kwarto kan sakong agom.” Alagad dai siya pinalaog kan ama kan babae.

Hukom 19:2

Alagad naanggot saiya an babae dangan nagpuli sa harong nin saiyang ama sa Betlehem sa Juda asin duman nag-erok sa laog nin apat na bulan.

Hukom 19:26

Kan nagliliwanag na, nag-abot an babae asin natumba sa may pintoan kan harong kan gurang na lalaki; duman na siya inabotan kan pagsirang kan aldaw.

Hukom 19:4

Pinugolan siya kan saiyang panugangan, kaya nag-erok siya duman sa laog nin tolong aldaw. Nagkakan sinda saka nag-inom asin nagkatorog duman.