Hukom 19:25 - Marahay na Bareta Biblia

²⁵ Alagad habong magdangog saiya an kalalakihan kaya ilinuwas sainda kan Levita an saiyang kasaroan. Dinorogan ini kan kalalakihan asin inabuso sa bilog na banggi. Dai sinda nag-ontok sagkod na mag-aga.

Hukom 19:25 ပူးပေါင်းရင်းမြစ်များ

Genesis 4:1

Dinorogan ni Adan si Eva na saiyang agom asin nagbados ini dangan nangaki nin lalaki. Nagsabi an babae, “Huli sa tabang nin Kagurangnan, nakakua ako nin aking lalaki.” Kaya nginaranan niya ini nin Cain.

Oseas 10:9

Nagsasabi an Kagurangnan, “Dai nag-ontok sa pagkasala an banwaan nin Israel laban sako poon pa kan magkasala sinda sa Gibea. Kaya aaboton sinda nin gera sa Gibea.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Efeso 4:19

Dai na sinda nakakamate nin sopog; nagpabaya sindang mahulog sa karigsokan saka nagin paslo sinda sa gabos na kadustaan.

Hukom 19:24

Uya an saiyang kasaroan asin an sakong aking daraga; iluluwas ko sinda. Gibohon nindo sainda an boot nindo, alagad dai nindo paggibohon an siring na karatan sa lalaking ini.”

Hukom 19:26

Kan nagliliwanag na, nag-abot an babae asin natumba sa may pintoan kan harong kan gurang na lalaki; duman na siya inabotan kan pagsirang kan aldaw.

Hukom 20:5

Kan bangging idto boot akong salakayon kan kalalakihan sa Gibea kaya pinalibotan ninda an harong. Boot ninda akong gadanon; alagad embes na ako, an sakong kasaroan an saindang inabuso na ikinagadan niya.