Hukom 19:18 - Marahay na Bareta Biblia

¹⁸ Nagsimbag an Levita, “Hale kami sa Betlehem sa Juda asin ngunyan papuli na kami sa samong harong sa mabulod na daga nin Efraim. Mayo nin siisay man na nag-alok samo na magkatorog sa saiyang harong ngunyan na banggi

Hukom 19:18 ပူးပေါင်းရင်းမြစ်များ

Salmo 26:9

Dai ako paghalea kaiba kan mga parakasala, kaiba kan mga tawo na sa dugo napapaha;

Mga Talinhaga 25:17

Dai mo pag-aroaldawon an pagdalaw sa saimong kanatad huli ta tibaad mauyam siya saimo.

Juan 15:6

An dai magdanay sako iaapon saka naaalang arog kan sanga. An siring na mga sanga tinitipon dangan isinusugba sa kalayo.

Josue 18:1

Kan masakop na ninda an daga, an bilog na Israel nagtiripon sa Shilo asin pinatindog duman an Tabernakulo nin Kagurangnan.

Hukom 17:7

Kan panahon na idto igwa nin sarong hoben na Levita na nag-eerok sa banwa nin Betlehem nin Juda.

Hukom 18:31

Dai man hinale an mga dios-dios ni Micas mantang nasa Shilo an Tabernakulo nin Dios.

Hukom 19:17

Nahiling kan gurang na lalaki an parabaklay na yaon duman sa plasa kan banwa, kaya hinapot niya, “Saen ka hale? Saen ka maduman?”

Hukom 19:19

maski igwa man kami nin darang dagami para sa mga asno asin tinapay saka arak para sa kasaroan ko patin sa sakong sorogoon. Igwa kami kan gabos ming kaipuhan.”

Hukom 19:5

Amay sindang nagbangon kan ikaapat na aldaw asin nag-andam nang maglakaw, alagad sinabihan an Levita kan saiyang panugangan, “Magkakan ka ngona bago maghale. Marahay iyan para saimo.”

Hukom 20:18

Nagduman an mga Israelita sa lugar na pinagsasambahan sa Betel asin naghapot sinda sa Dios, “Arin sa mga tribu an enot na masalakay sa mga Benjaminita?” Nagsimbag an Kagurangnan, “An tribu ni Juda.”

1 Samuel 1:3

Taon-taon, nagduduman si Elkana sa Shilo hale sa Rama, tanganing magsamba asin magdolot nin mga atang sa Kagurangnan nin mga hukbo. Si Hofni asin si Finehas na mga aking lalaki ni Eli, iyo an naglilingkod duman bilang mga padi nin Kagurangnan.

1 Samuel 1:7

Siring kaini an nangyayari taon-taon; kun minaduman sinda sa harong nin Kagurangnan, tinutuyatuya ni Peninna si Hanna, kaya minahibi si Hanna asin dai minakakan.