Hukom 19:16 - Marahay na Bareta Biblia

¹⁶ Dangan nag-agi duman an sarong gurang na lalaki na hale pa sana sa pagtrabaho sa oma. Dati siyang nag-eerok sa mabulod na daga nin Efraim, alagad nag-eerok na siya ngunyan sa Gibea. (An ibang mga nag-eerok sa Gibea gikan sa tribu ni Benjamin.)

Hukom 19:16 ပူးပေါင်းရင်းမြစ်များ

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

Salmo 104:23

An tawo minaluwas sa pagtrabaho asin minatrabaho siya sagkod magbanggi.

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Mga Talinhaga 13:11

Madaling maubos an kayamanan na madali sanang nakamtan, alagad orog na madakul an kayamanan na haloy na pinagpagalan.

Mga Talinhaga 14:23

An gabos na pagpagal igwa nin pakinabang, alagad kadukhaan an aaboton kun gabos sana tataramon.

Mga Talinhaga 24:27

Bago ka magtugdok nin harong saka mag-isip na mag-agom, andama ngona an saimong oma, tanganing igwa ka nin pagkukuahan nin kakanon.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 5:12

An sarong trabahador marahay an torog, dikit man o dakul an saiyang kakanon; alagad an dakul na pagsadiri kan mayaman iyo an minapurisaw sa saiyang pagkatorog.

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Efeso 4:28

An parahabon dai na maghabon, kundi magtrabaho sa matanos na paagi tanganing matabangan niya an mga nangangaipo.

2 Tesalonica 3:10

Huli ta kan kami kaiba pa nindo, sinabi mi saindo na, “An siisay man na habong magtrabaho, dai dapat pakakanon.”

Hukom 19:1

Kan mga aldaw na idto, kan dai pa nin hade an Israel, igwa nin sarong Levita na nag-eerok sa mabulod na daga nin Efraim. Nagkua siya nin sarong babae na taga Betlehem sa Juda tanganing magin saiyang kasaroan.

Hukom 19:14

Kaya inagihan ninda an Jebus asin nagpadagos sinda sa paglakaw. Solnop na an aldaw kan makaabot sinda sa Gibea sa teritoryo ni Benjamin.

Hukom 19:15

Naglaog sinda sa syudad asin nagtukaw sa plasa kan banwa, alagad mayo nin siisay man na nag-alok sainda na magkatorog sa saiyang harong.

Hukom 19:17

Nahiling kan gurang na lalaki an parabaklay na yaon duman sa plasa kan banwa, kaya hinapot niya, “Saen ka hale? Saen ka maduman?”