Hukom 19:10 - Marahay na Bareta Biblia

^10-11 Alagad habo nang magpapugol an lalaki, kaya naglakaw na siya kaiba an kasaroan, an sorogoon asin an duwang asnong igwa nin kamadero. Nagbabanggi na pag-abot ninda sa lugar na harani sa Jebus (o Jerusalem), kaya nagsabi an sorogoon sa saiyang amo, “Digdi na ngona kita magpaaga sa syudad na ini kan mga Jebuseo.”

Hukom 19:10 ပူးပေါင်းရင်းမြစ်များ

2 Samuel 5:6

Dangan naglakaw si David asin an saiyang mga tawohan tanganing salakayon an Jerusalem. An mga Jebuseo, na nag-eerok duman, naghona na dai masasakop ni David an saindang syudad, kaya nagsabi sinda ki David, “Dai ka nanggad makakalaog digdi; pwedeng olangon an saimong paglaog maski kan mga buta asin kan mga pilay.” (

Josue 15:63

Alagad dai napahale kan banwaan nin Juda an mga Jebuseo na nag-eerok sa Jerusalem. Sagkod ngunyan duman sinda nag-erok kaiba an mga tawo na gikan sa tribu ni Juda.

Josue 15:8

dangan minatukad sa may Kapantayan nin Hinnom, na nasa habagat kan bulod na pinatindogan kan Jerusalem, an Jebuseong syudad. Dangan minadagos an pagdolonan sa alitoktok kan bulod na nasa solnopan kan Kapantayan nin Hinnom, sa amihan na poro kan Kapantayan nin Refaim.

Josue 18:28

Zela, Haelef, Jebus, (o Jerusalem), Gibea, asin Kiriat-jearim: katorseng syudad gabos, kaiba an mga banwa sa palibot kan mga iyan. Iyo ini an daga na itinao bilang pamana sa mga pamilya kan tribu ni Benjamin.

Hukom 1:8

Sinalakay kan mga lalaki sa tribu ni Juda an Jerusalem dangan sinakop. Ginaradan ninda an mga tawo duman dangan sinulo an syudad.

Hukom 19:9

Kan magtindog na tanganing maglakaw an lalaki asin an saiyang kasaroan patin an saiyang sorogoon, nagsabi an ama kan babae, “Nagdidiklom na, kaya digdi na ngona kamo magpaaga. Mag-ogma ka asin sa agang amay ka na maghale.”