Hukom 19:1 - Marahay na Bareta Biblia

¹ Kan mga aldaw na idto, kan dai pa nin hade an Israel, igwa nin sarong Levita na nag-eerok sa mabulod na daga nin Efraim. Nagkua siya nin sarong babae na taga Betlehem sa Juda tanganing magin saiyang kasaroan.

Hukom 19:1 ပူးပေါင်းရင်းမြစ်များ

Genesis 22:24

Si Reuma na kasaroan ni Nahor, nag-aki nin apat: si Teba, Gaham, Tahas, asin Maaca.

Genesis 25:6

alagad kan siya buhay pa, an mga aki niyang lalaki sa saiyang mga kasaroan tinawan niya nin mga regalo asin pinaerok sa daga na nasa sirangan, harayo sa aki niyang si Isaac.

Genesis 35:19

Nagadan si Rachel asin ilinubong sa may dalan pasiring sa Efrat (na ngunyan inaapod Betlehem).

2 Samuel 16:22

Kaya nagpatindog sinda nin sarong tolda para ki Absalom sa ibabaw kan atop kan palasyo dangan sa panhiling kan gabos, naglaog si Absalom asin dinorogan an mga kasaroan kan saiyang ama.

2 Samuel 19:5

Naglaog si Joab sa harong kan hade asin sinabihan siya, “Sinupog mo ngunyan na aldaw an saimong mga tawohan—mga lalaking nagligtas kan saimong buhay, kan buhay kan saimong mga aking lalaki asin babae saka kan buhay kan saimong mga agom sagkod mga kasaroan,

2 Samuel 20:3

Pag-abot ni David sa saiyang palasyo sa Jerusalem, kinua niya an sampolo niyang kasaroan na winalat niyang mangataman kan palasyo. Linaom niya sinda sa sarong harong asin pinabantayan. Tinawan niya sinda kan saindang kaipuhan, alagad dai niya sinda dinorogan. Kaya nagdanay sindang garo mga balo sagkod na sinda magadan.

2 Samuel 3:7

Igwa kaidto si Saul nin kasaroan na an ngaran Rizpa, na aking babae ni Aias. Sarong aldaw, hinapot si Abner ni Isboset na aking lalaki ni Saul, “Tano ta dinorogan mo si Rizpa, an kasaroan kan sakong ama?”

2 Samuel 5:13

Pakabalyo ni David sa Jerusalem hale sa Hebron, nagkaigwa pa siya nin dakul na kasaroan asin agom; dakul an nagin aki niyang lalaki saka babae.

1 Mga Hade 11:3

Igwa si Solomon nin syete syentos na agom na mga prinsesa, asin tres syentos na kasaroan; pinaharayo ninda sa Dios an puso ni Solomon.

1 Mga Hade 4:8

Iyo ini an mga ngaran kan doseng gobernador asin an mga distritong pinamahalaan ninda: Ben-hur: an mabulod na daga nin Efraim

2 Mga Cronica 11:21

Nagkaigwa si Rehoboam nin dyes y otsong agom saka sesentang kasaroan, asin nagkaigwa siya nin beynte y otsong aking lalaki saka sesentang aking babae. Orog niyang namotan si Maaca ki sa gabos niyang agom saka kasaroan,

Esther 2:14

Minaduman siya sa banggi, dangan pagkaaga dadarahon siya sa saro pang harem asin ibubugtak sa pangataman ni Saasgaz, an eunukong namamahala sa mga kasaroan kan hade. Dai na siya makakaduman giraray sa hade; makakabalik sana siya kun nawilihan siya kan hade asin apodon an saiyang ngaran.

Daniel 5:3

Dinara man tolos an mga kagamitan, asin duman na sinda nag-irinom.

Malakias 2:15

Bakong an Dios an nagsaro saindo sa hawak asin sa espiritu? Ano an katuyohan niya sa paggibo kaini? An katuyohan iyo na magkaigwa kamo nin mga aki na totoong diosnon. Kaya hingowahon nanggad nindo na mayo saindo nin maglapas kan saiyang panuga sa saiyang agom.

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Josue 24:30

Ilinubong siya ninda sa sadiri niyang daga sa Timnat-sera sa mabulod na daga kan Efraim, sa amihan kan Bukid nin Gaas.

Josue 24:33

Nagadan man si Eleazar na aking lalaki ni Aaron asin ilinubong siya sa Gibea, an banwang nasa mabulod sa daga nin Efraim na itinao sa saiyang aking lalaki na si Finehas.

Hukom 12:8

Pagkagadan ni Jefta, si Ibzan na taga Betlehem an nagin hukom sa Israel.

Hukom 17:1

Igwa kaidto nin lalaki na an ngaran Micas, na nag-erok sa mabulod na daga nin Efraim.

Hukom 17:6

Dai pa nin hade kaidto sa Israel, kaya an lambang saro naggigibo kan pinaghohona niyang tama.

Hukom 17:7

Kan panahon na idto igwa nin sarong hoben na Levita na nag-eerok sa banwa nin Betlehem nin Juda.

Hukom 17:8

Naghale siya sa Betlehem tanganing maghanap nin ibang lugar na maeerokan. Sa paglakaw niya, nakaabot siya sa harong ni Micas duman sa mabulod na daga nin Efraim.

Hukom 18:1

Dai pa kaidto nin hade sa Israel. Kan panahon na idto, an tribu ni Dan padagos na naghahanap nin lugar na saindang masasadirihan huli ta sa mga tribu nin Israel, sinda na sana an dai pa nakakakua nin daga.

Hukom 18:13

Hale duman, nagpasiring sinda sa harong ni Micas na nasa mabulod na daga nin Efraim.

Hukom 19:16

Dangan nag-agi duman an sarong gurang na lalaki na hale pa sana sa pagtrabaho sa oma. Dati siyang nag-eerok sa mabulod na daga nin Efraim, alagad nag-eerok na siya ngunyan sa Gibea. (An ibang mga nag-eerok sa Gibea gikan sa tribu ni Benjamin.)

Hukom 19:2

Alagad naanggot saiya an babae dangan nagpuli sa harong nin saiyang ama sa Betlehem sa Juda asin duman nag-erok sa laog nin apat na bulan.

Hukom 21:25

Mayo pa kaidto nin hade sa Israel, kaya an lambang saro naggigibo kan pinaghohona niyang tama.

Hukom 3:27

Pag-abot niya duman sa mabulod na daga nin Efraim, pinatanog niya an trompeta tanganing apodon para sa pakilaban an kalalakihan nin Israel. Hale sa kabubuldan, pinangenotan niya sinda.