Hukom 18:6 - Marahay na Bareta Biblia

⁶ Nagsimbag an padi, “Lakaw kamo sa katoninongan. Inaataman kamo nin Kagurangnan sa lakaw nindong ini.”

Hukom 18:6 ပူးပေါင်းရင်းမြစ်များ

1 Mga Hade 22:12

Siring man kaiyan an sinabi kan ibang propeta. Nagsabi pa sinda, “Salakayon mo an Ramot-gilead asin manggagana ka; itatao saimo nin Kagurangnan an kapangganahan.”

1 Mga Hade 22:15

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Salmo 33:18

Binabantayan nin Kagurangnan an mga natatakot saiya, an mga naglalaom sa danay niyang pagkamoot.

Exodo 4:18

Nagpuli si Moises sa panugangan niyang si Jetro asin nagsabi, “Tugote akong magbalik sa Egipto. Aaramon ko kun buhay pa an sakong mga kadugo duman.” Tinugotan siya ni Jetro dangan benendisyonan.

Jeremias 23:32

Hinanyoga nindo an sinasabi ko! Laban ako sa mga propeta na nagtataram kan saindang mga pangatorogan na pano nin mga kaputikan. Ipinapangosip ninda an mga pangatorogan na ini saka linalagalag ninda an sakong banwaan huli kan saindang mga kaputikan asin kahambogan. Dai ko sinda sinugo ni pinagbotan na maglakaw. Mayo lamang sinda nin ikakatabang sa banwaan. Ako, an Kagurangnan, an nagtaram.”

Deuteronomio 11:12

Sa bilog na taon, an Kagurangnan na saindong Dios an nag-aataman asin nagbabantay kan dagang iyan.

1 Tesalonica 3:11

Itugot man logod kan satong Dios asin Ama saka ni Jesus na satong Kagurangnan na makadiyan kami saindo!

Hukom 18:5

Nagsabi sinda saiya, “Pakihapot man sa Dios kun magigin marahay an lakaw ming ini.”

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.

1 Samuel 1:17

Nagsabi si Eli, “Lakaw sa katoninongan asin itao logod saimo kan Dios nin Israel an hinahagad mo saiya.”