Hukom 18:5 - Marahay na Bareta Biblia

⁵ Nagsabi sinda saiya, “Pakihapot man sa Dios kun magigin marahay an lakaw ming ini.”

Hukom 18:5 ပူးပေါင်းရင်းမြစ်များ

1 Mga Hade 22:5

Alagad hapoton ta ngona an Kagurangnan.”

2 Mga Hade 16:15

Dangan pinagbotan niya si Urias: “Tututongon mo sa dakula kong altar na ini an pang-agang mga atang asin an pangbangging mga dolot na pagkakan, an mga tinutong na atang sagkod an mga dolot na pagkakan kan hade asin kan banwaan, saka an mga dolot na arak kan banwaan. Iula mo sa altar na ini an dugo kan gabos na isinakripisyong hayop. Alagad ingatan mo an bronseng altar huli ta gagamiton ko iyan sa panghuhula.”

Isaias 30:1

Nagtaram an Kagurangnan: “Herak man sa mga namamayo sa Juda huli ta nagtumang sinda sako. Sinusunod ninda an mga plano na bako ako an naggibo, asin nakikipagtipan sinda tumang sa sakong kabotan; dinadagdagan pa ninda an saindang mga kasalan.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Mga Gibo 8:10

kaya dinangog siya kan gabos na taga duman sa syudad, mayaman man o dukha. An sabi ninda, “Siya iyo an kapangyarihan nin Dios na inaapod ‘An Dakulang Kapangyarihan.’”

Hukom 17:13

Dangan nagsabi si Micas, “Ngunyan na igwa na ako nin sarong Levita bilang padi, aram kong papauswagon ako nin Kagurangnan.”

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 18:4

Nagsimbag an Levita, “Nagka-oyon kami ni Micas; binabayadan niya ako asin naglilingkod ako saiya bilang padi.”

Hukom 18:6

Nagsimbag an padi, “Lakaw kamo sa katoninongan. Inaataman kamo nin Kagurangnan sa lakaw nindong ini.”

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)