Hukom 18:3 - Marahay na Bareta Biblia

³ Namidbidan ninda an punto kan pagtaram kan hoben na Levita kaya dinolok ninda siya asin hinapot, “Ano an ginigibo mo digdi? Siisay an nagdara saimo digdi?”

Hukom 18:3 ပူးပေါင်းရင်းမြစ်များ

Genesis 27:22

Kaya nagrani si Jacob sa saiyang ama. Hinapiyap siya kaini dangan nagsabi, “Ki Jacob an boses mo, alagad an saimong mga kamot ki Esau.”

Isaias 22:16

“Siisay ka sa paghona mo? Ano an deretso mo na mag-ukit nin lulubngan para sa saimo sa magapong parte kan bulod?

Mateo 26:73

Dai nahaloy, an mga tawong idtoon duman nagdolok ki Pedro asin nagsabi, “Talaga mananggad na saro ka sainda huli ta naririsa ka sa pagtaram mo!”

Hukom 12:6

pinapasabi ninda ini nin “Shibbolet.” Alagad “Sibbolet” an nasasabi niya huli ta dai niya aram an tamang pagsabi kaiyan. Dangan dinadakop ninda siya asin ginagadan duman sa lugar na pwedeng pagbalyohan sa Jordan. Kan panahon na idto, kwarenta y dos mil an nagkagaradan sa mga taga Efraim.

Hukom 18:2

Kaya nagpili sinda nin limang maiisog na lalaki hale sa gabos na pamilya kan tribu, dangan saindang sinugo hale sa mga banwa nin Zora saka Estaol tanganing maghanap nin daga. Pag-abot ninda sa mabulod na daga nin Efraim, nagdagos sinda sa harong ni Micas.

Hukom 18:4

Nagsimbag an Levita, “Nagka-oyon kami ni Micas; binabayadan niya ako asin naglilingkod ako saiya bilang padi.”