Hukom 18:29 - Marahay na Bareta Biblia

²⁹ Embes na Lais, an lugar nginaranan nindang Dan, sunod sa ngaran kan saindang ginikanan na si Dan, na aki ni Jacob.

Hukom 18:29 ပူးပေါင်းရင်းမြစ်များ

Genesis 14:14

Kan madangog ni Abram na binihag si Lot, inapod niya an gabos niyang tawohan sa kampo, mga tres syentos dyes y otso gabos, asin linamag ninda an apat na hade sagkod sa Dan.

Genesis 30:6

Olay ni Rachel, “Hinukoman ako nin Dios. Dinangog niya an sakong mga pamibi asin tinawan niya ako nin aki;” kaya an aki nginaranan niyang Dan.

Genesis 32:28

Nagsabi an lalaki, “Poon ngunyan bako nang Jacob an ngaran mo kundi Israel, huli ta nakigumolan ka sa Dios saka sa mga tawo, asin nanggana ka.”

2 Samuel 17:11

An hatol ko iyo na tiponon mo an gabos na Israelita magpoon sa sarong poro kan daga sagkod sa ibong na poro, siring sa mga baybay sa dagat, dangan ika mismo an mangenot sainda sa pakilaban.

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

Jeremias 8:16

An satong mga kaiwal yaon na sa syudad nin Dan; madadangog hale duman an sinogrot kan saindang mga kabayo. Sa hinirihiri kan saindang mga kabayo, nagtatakig an bilog na daga. Huli ta nag-abot na an mga kaiwal na maraot kan satong daga, na magaba kan satong syudad asin magadan kan mga nag-eerok diyan.”

Deuteronomio 34:1

Hale sa kapatagan nin Moab, nagtukad si Moises sa Bukid nin Nebo, pasiring sa alitoktok kan Bukid nin Pisga, sa sirangan nin Jerico. Duman ipinahiling saiya nin Kagurangnan an bilog na daga: an teritoryo kan Gilead sagkod sa amihan sa banwa nin Dan;

Josue 19:47

Kan mawaraan nin daga an mga taga Dan nagduman sinda sa Lais asin sinalakay idto. Nasakop ninda idto, ginaradan an mga tawo, dangan sinadiri an daga. Nag-erok sinda duman asin rinibayan ninda an ngaran kan syudad nin Lais. Inapod nindang Dan, sunod sa ngaran ni Dan na saindang ginikanan.

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.

Hukom 20:1

Nagtiripon sa Mizpa sa atubang nin Kagurangnan an gabos na Israelita magpoon sa Dan sagkod sa Beer-sheba, sagkod kan mga taga Gilead.