Hukom 18:27 - Marahay na Bareta Biblia

²⁷ Kaiba an padi asin dara an mga ginibo ni Micas, nagduman sa Lais an kalalakihan ni Dan. Sinalakay ninda asin ginaradan an matoninong na mga tawo sa Lais dangan sinulo ninda an banwa.

Hukom 18:27 ပူးပေါင်းရင်းမြစ်များ

Genesis 49:16

“Si Dan an maghuhukom kan saiyang banwaan Bilang saro sa mga tribu nin Israel.

Deuteronomio 33:22

Nagsabi si Moises manongod ki Dan: “Si Dan sarong ogbon na leon na naglulukso hale sa Basan.”

Josue 11:11

Ginadan kan mga Israelita an mga tawo duman; mayo sindang itinadang buhay, dangan sinulo ninda an syudad.

Josue 19:47

Kan mawaraan nin daga an mga taga Dan nagduman sinda sa Lais asin sinalakay idto. Nasakop ninda idto, ginaradan an mga tawo, dangan sinadiri an daga. Nag-erok sinda duman asin rinibayan ninda an ngaran kan syudad nin Lais. Inapod nindang Dan, sunod sa ngaran ni Dan na saindang ginikanan.

Hukom 18:10

Pag-abot nindo duman, mahihiling nindo na dai lamang nagsususpetsa an mga tawo. Mahiwas an daga asin yaon duman an gabos na kaipuhan nin siisay man. Itinatao idto nin Dios sa saindo.”

Hukom 18:26

Dangan nagpadagos sa paglakaw an tribu ni Dan. Nahiling ni Micas na mas makosog sinda ki sa saiya kaya nagpuli na sana siya.

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.

Hukom 8:11

Nag-agi si Gideon sa dalan na nasa gilid kan kalangtadan, sa sirangan kan Noba asin Jogbeha, kaya nabigla an hukbo kan kaiwal kan salakayon niya sinda.