Hukom 18:17 - Marahay na Bareta Biblia

¹⁷ luminaog sa harong an limang espiya na nagsiyasat sa daga dangan kinua an dios-dios na gibo sa kahoy na napapatos nin plata, an iba pang dios-dios asin an efod. An padi yaon duman sa trangkahan kaiba an anom na gatos na armadong kalalakihan.

Hukom 18:17 ပူးပေါင်းရင်းမြစ်များ

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

Exodo 32:20

Kinua niya an baka na ginibo kan mga tawo, tinunaw sa kalayo, pinulbos, sinalakan nin tubig dangan ipinainom sa mga Israelita.

Isaias 41:29

Mayong kamugtakan an mga dios-dios na ini; mayo sindang nagigibo— maluluya saka mayo nin kapangyarihan an mga ladawan na ini.”

Isaias 46:7

Ibinubugtak ninda iyan sa saindang mga abaga asin dinadara; ibinubugtak ninda iyan sa sadiring lugar asin duman sana iyan nagtitindog, dai nakakahiro sa namumugtakan. Kun igwang mamibi diyan, dai iyan nakakasimbag o nakakaligtas saiya sa panahon nin kasakitan.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Mikas 5:13

Raraoton ko an saindong mga dios-dios saka mga hariging gapo; dai na nanggad kamo magsasamba kan mga bagay na kamo mismo an naggibo.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 18:16

Mantang an anom na gatos na armadong lalaki kan tribu ni Dan nagtirindog sa may trangkahan,

Hukom 18:18

Kan maglaog sa harong an limang lalaki asin kuahon an mga sagradong bagay, hinapot sinda kan padi, “Ano an ginigibo nindo?”

Hukom 18:2

Kaya nagpili sinda nin limang maiisog na lalaki hale sa gabos na pamilya kan tribu, dangan saindang sinugo hale sa mga banwa nin Zora saka Estaol tanganing maghanap nin daga. Pag-abot ninda sa mabulod na daga nin Efraim, nagdagos sinda sa harong ni Micas.

Hukom 6:31

Alagad sinimbag ni Joas an gabos na nasa atubang niya, “Ano kamo, minatindog para ki Baal? Makikilaban kamo para saiya? Magagadan bago mag-aga an siisay man na mag-apil ki Baal. Kun si Baal sarong dios, bayaan nindong siya mismo an makilaban para saiya, huli ta altar niya an ginaba.”

1 Samuel 19:13

Pakatapos, kinua ni Mical an sarong ladawan, pinahigda sa katre, pinaulon sa sarong ulonan na gibo sa balukag nin mga kanding dangan tinamongan.

1 Samuel 4:11

Nabihag an Kaban nin Tipan nin Dios, asin parehong nagadan an duwang aking lalaki ni Eli na si Hofni saka si Finehas.