Hukom 18:10 - Marahay na Bareta Biblia

¹⁰ Pag-abot nindo duman, mahihiling nindo na dai lamang nagsususpetsa an mga tawo. Mahiwas an daga asin yaon duman an gabos na kaipuhan nin siisay man. Itinatao idto nin Dios sa saindo.”

Hukom 18:10 ပူးပေါင်းရင်းမြစ်များ

Exodo 3:8

kaya naghilig ako tanganing iligtas sinda sa mga Egipcio asin darahon sa dagang matubang, mahiwas asin mayaman sa gabos na bagay. Dadarahon ko sinda sa dagang pinag-eerokan ngunyan kan mga Cananeo, Heteo, Amoreo, Perezeo, Heveo asin Jebuseo.

Ezekiel 20:6

Kan aldaw na idto nanuga ako na iluluwas ko sinda sa Egipto asin dadarahon sa dagang pinili ko para sainda, sarong mayaman na daga, an pinakamarahay sa gabos na daga.

Deuteronomio 2:29

sagkod na makabalyo kami sa Salog nin Jordan asin makaabot sa daga na itinatao samo nin Kagurangnan na samong Dios. Tinugotan kaming mag-agi sa Edom kan kapagarakian ni Esau, asin sa Ar kan mga Moabita.’

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.

Josue 2:23

Dangan naglugsot sa kabubuldan an duwang espiya, nagbalyo sa salog asin nagbalik ki Josue. Inosip ninda saiya an gabos na nangyari sainda

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 6:16

Sa ikapitong paglibot, kan papatanogon na kan mga padi an saindang mga trompeta, pinagbotan ni Josue an saiyang mga soldados, “Magkurahaw kamo, huli ta itinao na saindo nin Kagurangnan an bilog na syudad!

Hukom 18:11

Kaya naglakaw hale sa Zora saka Estaol an anom na gatos na armadong kalalakihan kan tribu ni Dan.

Hukom 18:27

Kaiba an padi asin dara an mga ginibo ni Micas, nagduman sa Lais an kalalakihan ni Dan. Sinalakay ninda asin ginaradan an matoninong na mga tawo sa Lais dangan sinulo ninda an banwa.

Hukom 18:7

Kaya naghale an limang lalaki asin nagduman sa banwa nin Lais. Nahiling ninda an mauswag na pamumuhay kan mga tawo duman, arog kan mga taga Sidon. Mga matoninong sinda, trangkilo an isip asin dai nagkukulang nin ano man. An lugar ninda harayo sa Sidon asin dai sinda nin pakilabot sa ibang banwa.

Hukom 18:9

Nagsabi sinda, “Magayon asin matubang an daga duman, kaya dai kita magparahaloy digdi na mayong gibo. Madya asin salakayon ta sinda tanganing masadirihan ta an daga.