Hukom 17:5 - Marahay na Bareta Biblia

⁵ Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.

Hukom 17:5 ပူးပေါင်းရင်းမြစ်များ

Genesis 31:19

Mayo duman si Laban huli ta ginuguntingan niya an saiyang mga karnero, kaya nahabon ni Rachel an saiyang mga dios-dios.

Genesis 31:30

Aram kong naghale ka huli ta gusto mong makapuli sa saindo, alagad tano ta hinabon mo an sakong mga dios-dios?”

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

1 Mga Hade 12:32

Nagselebrar man si Jeroboam nin sarong pyesta kan ikakinseng aldaw kan ikawalong bulan, siring kan pyesta sa Juda. Sa ibabaw kan altar duman sa Betel, nagdolot siya nin mga sakripisyo sa mga bulawan na baka na saiyang ginibo. Ibinugtak niya sa Betel an mga padi na naglilingkod sa mga altar na pagsasambahan na saiyang ginibo.

Esdras 1:7

Ibinalik man ni Emperador Ciro an mga kagamitan na kinua ni Nebukadnezzar sa Templo dangan ibinugtak kaini sa templo nin saiyang mga dios-dios.

Exodo 24:5

Dangan nagsugo siya nin nagkapirang hoben na lalaki nin Israel na magdolot nin mga tinutong na atang asin magsakripisyo nin mga baka bilang dolot para sa katoninongan.

Exodo 28:15

“Gumibo kamo nin pantahob sa daghan na gagamiton kan Halangkaw na Padi sa pagsabot kan kabotan nin Dios. Gibohon nindo iyan sa parehong materyales na ginamit sa paggibo kan efod asin burdahan arog kan efod.

Exodo 28:4

Ini an mga gubing na gigibohon ninda: pantahob sa daghan, efod, abito, tunikang may burda, mitra asin habay. Ining mga banal na gubing gigibohon ninda para sa tugang mong si Aaron asin para sa saiyang mga aki tanganing maglingkod sinda sako bilang mga padi.

Exodo 29:9

hagkosan mo an saindang habayan dangan bugtakan mo nin turban an saindang payo. Iyan an gigibohon mo sa pagkonsagra ki Aaron asin kan saiyang mga aki. Sinda asin an saindang mga kapagarakian an maglilingkod sako bilang padi sagkod pa man.

Isaias 44:13

Sinusukol kan karpintero an kahoy. Kinukuritan niya iyan nin korteng tawo dangan sinasapsapan kan saiyang mga kagamitan sagkod na makagibo siya nin magayon na rebulto nin tawo na ibubugtak niya sa saiyang harong.

Ezekiel 21:21

An hade nin Babilonia nagtitindog sa may poste sa pinagsasangahan kan dalan. Tanganing maaraman niya kun arin na dalan an saiyang aagihan, hinihiro niya an mga bosog, nakikihumapot siya sa saiyang mga dios-dios, asin sinisiyasat an apdo kan sarong hayop na isinakripisyo.

Ezekiel 21:26

Ako, an Kagurangnan Dios, an nagtaram: Halea an saimong turban asin an saimong korona. Mababago an gabos na bagay. Iiitaas an mapakumbaba asin ibababa an mga mapalangkaw!

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Mga Bilang 3:10

Si Aaron asin an saiyang mga aki iyo an italaga mong maglingkod bilang mga padi; an siisay pa man na maggibo kan katongdan na iyan gagadanon.”

Hebreyo 5:4

Mayo nin siisay man na minapili sa sadiri niya na magin halangkaw na padi, kundi an Dios an minaapod saiya siring kan pag-apod ki Aaron.

Hukom 17:4

Kan ibalik ni Micas an kwarta sa saiyang ina, nagkua ini nin duwang gatos na pedasong plata asin itinao sa sarong platero na guminibo nin dios-dios na inukit hale sa kahoy asin pinatos nin plata. An dios-dios ibinugtak sa harong ni Micas.

Hukom 18:14

Dangan an limang espiya na nagsiyasat kan daga sa palibot nin Lais, nagsabi sa saindang kairiba, “Aram nindo, an saro kan mga harong digdi igwa nin dios-dios na gibo sa kahoy na napapatos nin plata asin iba pang dios-dios patin sarong efod. Ano sa paghona nindo an dapat tang gibohon?”

Hukom 18:24

Nagsimbag si Micas, “Tano ta naghahapot kamo kun ano an nangyari sako? Kinua nindo an sakong padi asin mga dios-dios na ginibo ko dangan nagharale kamo! Ano pa an natada sako?”

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.

Hukom 8:27

Guminibo si Gideon nin sarong bulawan na estatwa asin ibinugtak niya idto sa sadiri niyang banwa, sa Ofra. Tinalikodan an Dios kan mga Israelita asin sinamba ninda an estatwa. Iyo ini an nagin siod para ki Gideon asin kan saiyang pamilya.

1 Samuel 19:13

Pakatapos, kinua ni Mical an sarong ladawan, pinahigda sa katre, pinaulon sa sarong ulonan na gibo sa balukag nin mga kanding dangan tinamongan.

1 Samuel 23:6

Kan magdulag pasiring ki David si Abiatar na aking lalaki ni Ahimelec, dara niya an efod.