Hukom 17:4 - Marahay na Bareta Biblia

⁴ Kan ibalik ni Micas an kwarta sa saiyang ina, nagkua ini nin duwang gatos na pedasong plata asin itinao sa sarong platero na guminibo nin dios-dios na inukit hale sa kahoy asin pinatos nin plata. An dios-dios ibinugtak sa harong ni Micas.

Hukom 17:4 ပူးပေါင်းရင်းမြစ်များ

Isaias 30:22

Dangan kukuahon nindo an saindong mga dios-dios na pinatos sa plata saka bulawan, asin itatapok nindo iyan arog sa mga maating bagay dangan makurahaw kamo, “Hale kamo!”

Isaias 44:13

Sinusukol kan karpintero an kahoy. Kinukuritan niya iyan nin korteng tawo dangan sinasapsapan kan saiyang mga kagamitan sagkod na makagibo siya nin magayon na rebulto nin tawo na ibubugtak niya sa saiyang harong.

Habakkuk 2:18

Anong karahayan an makukua sa sarong ladawan? Sarong bagay man sana iyan na ginibo nin tawo, asin mayo iyan nin sinasabi kundi kaputikan. Anong karahayan an makukua diyan kan naggibo kaiyan kun pagsarigan niya iyan—sarong dios-dios na dai ngani nakakataram!

Deuteronomio 27:15

“‘Maldisyonon an siisay man na maggibo nin ladawan na gapo, kahoy o metal, asin hilom na magsamba kaiyan; ikinakaongis nin Kagurangnan an pagsamba sa mga dios-dios.’ “Dangan an bilog na banwaan masimbag, ‘Amen!’

Hukom 17:5

Igwa si Micas nin sadiring lugar na pagsasambahan. Guminibo siya nin iba pang dios-dios asin efod, dangan ginibo niyang padi an saro kan mga aki niyang lalaki.

Hukom 18:17

luminaog sa harong an limang espiya na nagsiyasat sa daga dangan kinua an dios-dios na gibo sa kahoy na napapatos nin plata, an iba pang dios-dios asin an efod. An padi yaon duman sa trangkahan kaiba an anom na gatos na armadong kalalakihan.