Hukom 17:2 - Marahay na Bareta Biblia

^2-3 Sinabihan niya an saiyang ina, “Kan habonon saimo an mil syen na pedasong plata, nadangog takang minaldisyon mo an naghabon. Uya an kwarta; ako an kuminua kaya ipinupuli ko na saimo.” Dangan itinao niya an kwarta sa saiyang ina. Nagsabi an saiyang ina, “Bendisyonan ka logod nin Kagurangnan, aki ko! Alagad tanganing dai mapasaimo an maldisyon, idinodolot ko sa Kagurangnan ining plata. Gagamiton ini sa paggibo nin sarong dios-dios na gibo sa kahoy asin napapatos nin plata. Kaya itatao ko giraray saimo an kwarta.”

Hukom 17:2 ပူးပေါင်းရင်းမြစ်များ

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

Nehemias 13:25

Sinagwe ko sinda, pinatakot nin mga maldisyon, hinampak asin rinabnotan nin buhok. Dangan pinasumpa ko sinda sa ngaran nin Dios na dai ninda ipagpaagom asin pagpaagomon sa mga dayuhan an saindang mga aki.

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Exodo 20:7

“Dai nindo paggamiton an sakong ngaran nin basang lamang, huli ta ako, an Kagurangnan na saindong Dios, mapadusa sa kiisay man na magbasang-basang kan sakong ngaran.

Mga Talinhaga 28:24

An naghahabon sa saiyang magurang asin minasabing bako iyan kasalan nakakaarog man sana sa sarong parahabon.

Jeremias 48:10

Maldisyonon an tawong pabaya sa pagsunod sa trabaho nin Kagurangnan! Maldisyonon an tawong dai naninigbas saka dai nanggagadan!)

Mateo 26:74

Dangan nagsimbag si Pedro, “Magadan man ako, talagang dai ko midbid an tawong iyan!” Pakataram niya kaini, nagturaok an manok.

Roma 9:3

para sa mga tugang ko, an mga karasa ko. Mawot ko pang maldisyonon ako nin Dios asin isuhay ki Cristo para sainda.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

Deuteronomio 27:16

“‘Maldisyonon an siisay man na dai maggalang sa saiyang ama saka ina.’ “Dangan an bilog na banwaan masimbag, ‘Amen!’

2 Juan 1:11

Huli ta an siisay man na magkomusta sa tawong iyan makakadamay man sa maraot na ginigibo niya.

Hukom 17:1

Igwa kaidto nin lalaki na an ngaran Micas, na nag-erok sa mabulod na daga nin Efraim.

Hukom 5:23

“Maldisyonon an Meroz,” an olay kan anghel nin Kagurangnan, “maldisyonon an gabos na nag-eerok duman. Dai sinda nag-abot sa pagtabang sa Kagurangnan, sa pagtabang sa Kagurangnan laban sa mapangyari.”

Ruth 3:10

“Bendisyonan ka logod nin Kagurangnan,” an sabi ni Boaz. “Orog na kaimbodan sa pamilya an ipinahiling mo ngunyan ki sa ginibo mo sa saimong panugangan na babae. Pwede ka kutang maghanap nin hoben pang lalaki, mayaman man o dukha, alagad dai mo ginibo iyan.

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.

1 Samuel 14:28

Dangan sinabihan siya kan saro kan mga lalaki, “Nanluluya na kami gabos huli sa gutom, alagad pinatanidan kami kan saimong ama na mamaldisyonon an siisay man na magkakan nin ano man ngunyan na aldaw.”

1 Samuel 15:13

Dinuman ni Samuel si Saul na nagsabi saiya, “Bendisyonan ka logod nin Kagurangnan, Samuel! Kinuyog ko an kabotan nin Kagurangnan.”

1 Samuel 23:21

Nagsimbag si Saul, “Bendisyonan logod kamo nin Kagurangnan huli ta naherak kamo sako!

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.