Hukom 17:12 - Marahay na Bareta Biblia

¹² Ginibo siyang padi ni Micas asin duman na siya nag-erok.

Hukom 17:12 ပူးပေါင်းရင်းမြစ်များ

1 Mga Hade 12:31

Si Jeroboam naggibo man nin mga lugar na pagsasambahan sa kabubuldan, asin nagpili siya nin mga pading gikan sa mga pamilya na bakong kaayon sa tribu ni Levi.

Mga Bilang 16:5

Dangan sinabihan niya si Kora asin an mga kairiba kaini, “Sa aga, ipapahiling sato nin Kagurangnan kun siisay an sadiri niya, an mga pinili niya na papadolokon niya saiya sa altar.

Mga Bilang 18:1

Tinaraman nin Kagurangnan si Aaron, “Ika, an saimong mga aki, sagkod an mga Levita iyo an magtitios sa ano man na kasalan na igwa nin relasyon sa paglingkod sa Tabernakulo; alagad ika asin an saimong mga aki sana an magtitios sa ano man na kasalan na igwa nin relasyon sa pagigin padi.

Hukom 17:11

Naoyonan kan hoben na Levita na mag-erok sa kaibahan ni Micas, asin siya nagin garo aki ni Micas.

Hukom 17:13

Dangan nagsabi si Micas, “Ngunyan na igwa na ako nin sarong Levita bilang padi, aram kong papauswagon ako nin Kagurangnan.”

Hukom 18:30

Dangan ibinugtak ninda an mga dios-dios sa sarong lugar tanganing sambahon; si Jonatan na aking lalaki ni Gerson asin makoapo ni Moises iyo an naglingkod bilang padi kan mga taga Dan. An mga aking lalaki ni Jonatan iyo an padagos na naglingkod bilang padi bago nasakop an daga.

Hukom 18:4

Nagsimbag an Levita, “Nagka-oyon kami ni Micas; binabayadan niya ako asin naglilingkod ako saiya bilang padi.”