Hukom 17:10 - Marahay na Bareta Biblia

¹⁰ Nagsabi si Micas, “Digdi ka sako. Gigibohon takang parahatol asin padi. Tatawan taka nin sampolong pedasong plata taon-taon, mga gubing asin saimong pagkakan.”

Hukom 17:10 ပူးပေါင်းရင်းမြစ်များ

Genesis 45:8

Kaya bakong kamo an nagpadara sako digdi, kundi an Dios. Ginibo niya akong ikaduwa sa kapangyarihan sa hade asin parapamahala kan bilog na daga niya; ako an nagpapalakaw kan Egipto.

2 Mga Hade 13:14

Si Eliseo nagkaigwa nin grabeng helang, asin kan siya naghihingagdan na, dinalaw siya ni Hadeng Jehoas nin Israel. Nagsabi si Jehoas mantang naghihibi, “Ama ko, ama ko! Ika an nagin makosog na parasurog nin Israel!”

2 Mga Hade 2:12

Nahiling ini ni Eliseo asin nagkurahaw siya ki Elias, “Ama ko, ama ko! Makosog na parasurog nin Israel! Mayo ka na!” Asin dai na niya nahiling si Elias. Sa kamondoan, ginisi ni Eliseo an saiyang gubing sa duwang kabtang.

2 Mga Hade 6:21

Kan mahiling sinda kan hade nin Israel, naghapot siya ki Eliseo, “Boot mong gadanon ko sinda? Boot mong gadanon ko sinda?”

An Libro ni Job 29:16

Ako an nagin ama kan dukha, asin kinampihan ko an dayuhan sa saiyang kasakitan.

Isaias 22:21

Isusulot ko saiya an saimong gubing, asin ihahagkos ko saiya an saimong hagkos, dangan itatao ko saiya an gabos na awtoridad na yaon saimo. Siya magigin sarong garo ama para sa mga nag-eerok sa Jerusalem asin sa Juda.

Ezekiel 13:19

Linalanghad nindo ako sa atubang nin sakong banwaan tanganing magkaigwa sana kamo nin sarong hakbot nin sebada asin dikit na tinapay. Ginagadan nindo an mga tawong dai man dapat gadanon, asin tinutugotan nindong mabuhay an mga tawong dai dapat mabuhay. Nagpuputik kamo sa sakuyang banwaan, asin tinutubod ninda kamo.”

Mateo 26:15

asin nagsabi, “Pira an ibabayad nindo sako kun itao ko saindo si Jesus?” Asin binayadan ninda siya nin treyntang pedaso nin kwartang plata.

Juan 12:6

Sinabi niya ini bakong huli ta may pagkamakulog siya sa mga dukha, kundi huli ta parahabon siya. Siya an nagkakapot kan supot nin kwarta, kaya nakakakua siya kan ilinalaog digdi.

1 Timoteo 6:10

Huli ta an pagkamoot sa kwarta iyo an gamot kan gabos na karatan. Dahel sa pagkamoot sa kwarta dakul an nagbaya sa pagtubod asin nagtao iyan nin makuring kasakitan sa saindang mga puso.

1 Pedro 5:2

Atamana nindo an ariponpon kan mga paratubod nin Dios na ipinaniwala saindo, bakong huli ta pinirit kamo, kundi huli ta iyan kagustohan nindo sosog sa kabotan nin Dios. Giboha nindo an saindong katongdan bakong huli ta binabayadan kamo, kundi huli ta talagang boot nindong maglingkod;

Hukom 17:11

Naoyonan kan hoben na Levita na mag-erok sa kaibahan ni Micas, asin siya nagin garo aki ni Micas.

Hukom 17:9

Hinapot siya ni Micas, “Taga saen ka?” Nagsimbag siya, “Saro akong Levita na taga Betlehem sa Juda. Naghahanap ako nin lugar na maeerokan.”

Hukom 18:4

Nagsimbag an Levita, “Nagka-oyon kami ni Micas; binabayadan niya ako asin naglilingkod ako saiya bilang padi.”

1 Samuel 2:36

An siisay man sa saimong kapagarakian na dai magadan, madolok sa pading iyan asin mahagad nin kwarta saka pagkakan, patin makikimaherak na tugotan na makatabang sa mga padi, tanganing igwa sanang makakan.”