Hukom 16:9 - Marahay na Bareta Biblia

⁹ Sa ibong na kwarto, igwang mga lalaking naghahalat, kaya nagkurahaw si Delila, “Samson, uya na an mga Filisteo!” Alagad pinatod ni Samson an mga lubid kan pana na garo sana mga torsidong nadutaan nin kalayo, kaya dai man giraray ninda naaraman an sekreto kan saiyang kosog.

Hukom 16:9 ပူးပေါင်းရင်းမြစ်များ

Salmo 58:9

Siring sa doot, berde man o alang, sighidon logod sinda nin Dios, bago magkaigwa nin tonok.

Hukom 15:14

Pag-abot ni Samson sa Lehi, sinabat siya kan mga Filisteo na nagdadaralagan asin nagkukurahaw saiya. Bigla siyang pinakosog kan Espiritu nin Kagurangnan asin pinatod niya an mga pisi na nakagapos sa saiyang mga kamot na garo sana mga tinutong na torsido.

Hukom 16:10

Nagsabi si Delila ki Samson, “Tinutuyatuya mo ako asin nagputik ka sako. Sabihan na sako kun paano ka magagapos.”

Hukom 16:7

Nagsimbag si Samson, “Kun gaposon ninda ako nin pitong bagong lubid kan pana na bako pang alang, magigin maluya ako siring sa ibang tawo.”

Hukom 16:8

Kaya dinarahan si Delila kan mga hade kan mga Filisteo nin pitong bagong lubid kan pana na bako pang alang dangan ginapos ni Delila si Samson kaini.