Hukom 16:7 - Marahay na Bareta Biblia

⁷ Nagsimbag si Samson, “Kun gaposon ninda ako nin pitong bagong lubid kan pana na bako pang alang, magigin maluya ako siring sa ibang tawo.”

Hukom 16:7 ပူးပေါင်းရင်းမြစ်များ

Mga Talinhaga 12:19

Halipot an buhay kan kaputikan, alagad nabubuhay sagkod lamang an katotoohan.

Mga Talinhaga 17:7

An marahay na pagtaram dai makukua sa sarong lolong, ni an kaputikan sa sarong prinsipe.

Roma 3:8

Tadaw ta dai kita maggibo nin maraot tanganing lumataw an marahay? Ini daa an itinutukdo ko, an sabi kan nagkapirang nagpapakaraot sako! Alagad an mga tawong iyan maninigong kondenaron.

Galacia 6:7

Dai nindo pagdayaon an sadiri nindo; an Dios dai maloloko nin siisay man. Kun ano an itinanom nin tawo, iyan man an saiyang aanihon.

Colosas 3:9

Dai kamo magputik sa lambang saro, huli ta hinuba nindo an daan na pagkatawo kaiba an mga maraot na ugale kaiyan,

Hukom 16:10

Nagsabi si Delila ki Samson, “Tinutuyatuya mo ako asin nagputik ka sako. Sabihan na sako kun paano ka magagapos.”

Hukom 16:6

Kaya sinabihan ni Delila si Samson, “Sabihan daw sako kun saen naghahali an kosog mo, asin kun paano ka gagaposon tanganing dai ka na makalaban.”

Hukom 16:8

Kaya dinarahan si Delila kan mga hade kan mga Filisteo nin pitong bagong lubid kan pana na bako pang alang dangan ginapos ni Delila si Samson kaini.

Hukom 16:9

Sa ibong na kwarto, igwang mga lalaking naghahalat, kaya nagkurahaw si Delila, “Samson, uya na an mga Filisteo!” Alagad pinatod ni Samson an mga lubid kan pana na garo sana mga torsidong nadutaan nin kalayo, kaya dai man giraray ninda naaraman an sekreto kan saiyang kosog.

1 Samuel 19:17

Hinapot ni Saul si Mical, “Tadaw ta dinaya mo ako sa paaging ini, asin pinabayaan na makadulag an sakong kaiwal?” Nagsimbag si Mical, “Nagsabi siya na gagadanon niya ako kun dai ko siya tabangan na makadulag.”

1 Samuel 27:10

Kun minahapot si Akis, “Saen kamo nagsalakay ngunyan?” minasimbag si David na nagduman siya sa habagat na parte nin Juda o sa teritoryo kan tribu ni Jerameel o sa teritoryo kan mga Cineo.