Hukom 16:4 - Marahay na Bareta Biblia

⁴ Pakatapos kaini, namoot si Samson sa sarong babaeng an ngaran Delila duman sa Kapantayan nin Sorek.

Hukom 16:4 ပူးပေါင်းရင်းမြစ်များ

1 Mga Hade 11:1

Namoot si Solomon sa dakul na babaeng dayuhan. Pwera sa aking babae kan hade nin Egipto, nag-agom pa siya nin mga babaeng Moabita, Ammonita, Edomita, Sidoneo, asin Heteo.

Nehemias 13:26

Sinabihan ko sinda, “Mga dayuhan na babae an nagin dahelan kan pagkasala ni Hadeng Solomon. Sa gabos na hade sa ibang nasyon mayo nin hade na mas nagin dakula ki sa saiya. Namotan siya nin Dios saka ginibong hade kan bilog na Israel, alagad nagkasala siya huli sa mga dayuhan na babae.

Mga Talinhaga 22:14

Sarong siod an pakidorog sa bakong tunay na agom—dinadakop kaiyan an mga tawong ikinakaongis nin Kagurangnan.

Mga Talinhaga 23:27

An maraot na babae garo litag na nakakagadan.

Mga Talinhaga 26:11

An lolong na minagibo liwat kan parehong kalolongan garo man sana ayam na minabalik sa saiyang isinuka.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

1 Corinto 10:6

An gabos na ini sarong pagpatanid sato tanganing dai kita magmawot nin maraot arog kan ginibo ninda.

Hukom 16:3

Alagad naghigda sana si Samson sagkod sa kamatangaan kan banggi. Dangan nagbangon siya asin kinapotan an trangkahan kan syudad, binulnot ini kaiba an mga pinto, mga harigi asin barat; pinasan niya ini gabos asin dinara pasiring sa itaas kan bulod na nakadungaw sa Hebron.

Hukom 16:5

Dinuman si Delila kan limang hade kan mga Filisteo asin sinabihan, “Dagkahon mo si Samson na sabihan ka kun ano an nagpapakosog saiya, asin aramon mo kun paano ta siya madadaog tanganing magapos ta siya asin dai na makalaban. Kun magibo mo iyan, an lambang saro samo matao saimo nin mil syen na pedaso nin plata.”