Hukom 16:21 - Marahay na Bareta Biblia

²¹ Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.

Hukom 16:21 ပူးပေါင်းရင်းမြစ်များ

2 Mga Hade 25:7

Ginadan ninda an mga aking lalaki ni Zedekias mantang naghihiling ini, dangan ipinahulwat ni Nebukadnezzar an mga mata ni Zedekias, pinakadenahan saka ipinadara sa Babilon.

2 Mga Cronica 33:11

Kaya dinara nin Kagurangnan sa Juda an mga pamayo kan hukbo nin Asiria. Dinakop ninda si Manases sa paagi nin mga kawit saka kinadenahan dangan dinara sa Babilon.

Salmo 149:8

tanganing kadenahan an saindang mga hade; asin kadenahan nin lansang an saindang mga lider;

Exodo 11:5

asin magagadan an gabos na matuang lalaki sa Egipto, magpoon sa matua kan hade na magmamana kan trono sagkod sa matua kan babaeng oripon na paragiling nin trigo, siring man an gabos na matua kan mga hayop.

Mga Talinhaga 14:14

An tawong maraot mag-aani kan maninigo saiya, alagad an marahay na tawo babalosan huli sa saiyang mga gibo.

Mga Talinhaga 2:19

An minaduman saiya dai na nakakapuli; dai na nakakabalik sa dalan nin buhay.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Jeremias 39:7

Pakatapos kaiyan, ipinahulwat niya an mga mata ni Zedekias saka pinakadenahan tanganing darahon sa Babilonia.

Mga Panambitan 5:13

An mga hoben na lalaki pirit na pinatrabaho sa mga gilingan; mga aki pinanluluya sa gabat kan mga kahoy na saindang pasan.

Mga Bilang 16:14

Dai mo pa ngani kami nadadara sa sarong daga na mayaman sa gabos na bagay asin dai pa natatawan nin pamanang mga oma saka mga ubasan, dangan ngunyan boot mo kaming dayaon. Dai kami madiyan!”

Mateo 24:41

Duwang babae an maggigiling sa gilingan; an saro kukuahon, an saro iwawalat.

Hukom 16:20

Dangan nagkurahaw si Delila, “Samson, uya na an mga Filisteo!” Nagmata si Samson dangan nagsaboot, “Makakaligtas ako siring kan mga enot na nangyari.” Dai pa niya naisihan na binayaan na siya nin Kagurangnan.

Hukom 16:22

Alagad nagpoon na naman na magtalubo an saiyang buhok.