Hukom 16:17 - Marahay na Bareta Biblia

¹⁷ kaya isinabi niya an katotoohan. “Dai pa nadutaan nin labaha an sakong buhok, huli ta nasa tulak pa sana ako kan sakong ina, idinusay na ako sa Dios bilang sarong Nazireo. Kaya kun maputol an sakong buhok, mawawara an sakong kosog asin magigin maluya ako siring sa ibang tawo.”

Hukom 16:17 ပူးပေါင်းရင်းမြစ်များ

Mga Talinhaga 12:23

Dai ipinaghahambog kan madonong na tawo an saiyang naaaraman, alagad ipinapahayag kan lolong an saiyang kalolongan.

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Mga Talinhaga 29:12

Kun an sarong pamayo maghinanyog sa kaputikan, magigin putikon an gabos niyang opisyal.

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Mga Bilang 6:2

na itao an minasunod na mga katukdoan sa mga Israelita. Kun an sarong lalaki o sarong babae manuga na magigin saro siyang Nazireo asin lalaenon niya an saiyang sadiri sa Kagurangnan,

Mga Bilang 6:5

Sa bilog na panahon kan saiyang pagigin Nazireo, dai niya puputolan an saiyang buhok, ni aahiton an saiyang barabas. Nabubugkos siya kan panuga sa bilog na panahon na nagdusay siya kan saiyang buhay sa Kagurangnan asin papahalabaon niya an saiyang buhok saka barabas.

Mga Gibo 18:18

Haloy pang nag-erok si Pablo sa Corinto; dangan nagpaaram siya sa mga tugang asin nagsakay pasiring sa Siria kaiba si Priscila saka si Aquila. Duman sa Cencrea, nagpaaris siya kan saiyang payo sa pag-otob nin sarong panuga na ginibo niya.

Hukom 13:5

huli ta magbabados ka asin mangangaki nin lalaki. Dai mo pagputolon an saiyang buhok huli ta poon sa pagkamundag niya, lalaenon na siya para sa Dios bilang sarong Nazireo. Siya an mapoon sa pagligtas kan Israel sa kamot kan mga Filisteo.”

Hukom 16:16

Dangan inoro-aldaw ni Delila an paghapot asin pagpirit ki Samson. Nauyam si Samson sa kapipirit ni Delila,

Hukom 16:18

Kan mahiling ni Delila na itinuga na ni Samson an katotoohan, nagpadara siya tolos nin mensahe sa mga hade kan mga Filisteo na nagsabi, “Bumalik kamo giraray huli ta aram ko na an katotoohan.” Nagbalik sinda saiya, dara na an kwarta.