Hukom 16:16 - Marahay na Bareta Biblia

¹⁶ Dangan inoro-aldaw ni Delila an paghapot asin pagpirit ki Samson. Nauyam si Samson sa kapipirit ni Delila,

Hukom 16:16 ပူးပေါင်းရင်းမြစ်များ

An Libro ni Job 21:4

“Dai man ako nagrereklamo laban sa tawo; igwa ako nin dahelan kun tadaw ta dai ako nakakatios.

Jonas 4:9

Alagad sinabihan siya nin Dios, “May deretso ka daw na maanggot huli sa nangyari sa tinanom?” Nagsimbag si Jonas, “May deretso ako na maanggot—maanggot sagkod na magadan!”

Markos 14:24

Nagsabi si Jesus, “Ini an sakong dugo kan bagong tipan, dugo na pinapabulos para sa dakul na tawo.

Lukas 11:8

Sinasabihan ko kamo, maski habo siyang magbangon nganing tawan ka kan hinahagad mo, mabangon na sana siya asin matao bakong huli ta magkatood kamo kundi huli sa kapipirit mo.

Lukas 18:5

alagad huli ta dai ako inoontokan kan balong ini, gigibohon ko na sana an hinahagad niya, tanganing dai na niya ako pagpurisawon.’”

Hukom 14:16

Kaya naghihibi na nagduman ki Samson an saiyang agom asin nagsabi, “Dai mo ako namomotan! Anggot ka sako! Pinaokod mo an sakong mga katood alagad dai mo sako isinabi kun ano an simbag.” Nagsimbag si Samson, “Kun dai ko ngani sinabihan an mga magurang ko, ika pa daw?”

Hukom 14:17

Kaya sa laog kan pitong aldaw nin pyesta, naghihibi sa atubang ni Samson an saiyang agom. Alagad sa ikapitong aldaw, isinabi ni Samson sa babae an simbag kan paokod huli ta dai siya inontokan kaini. Dangan inosip kan babae an simbag sa kapwa niya Filisteo.

Hukom 16:15

Kaya nagsabi si Delila saiya, “Paano mong nasasabi na namomoot ka sako mantang dai man sako an puso mo. Tolong beses mo na akong tinuya-tuya asin dai mo pa itinutuga sako kun ano an nakakapakosog saimo.”

Hukom 16:17

kaya isinabi niya an katotoohan. “Dai pa nadutaan nin labaha an sakong buhok, huli ta nasa tulak pa sana ako kan sakong ina, idinusay na ako sa Dios bilang sarong Nazireo. Kaya kun maputol an sakong buhok, mawawara an sakong kosog asin magigin maluya ako siring sa ibang tawo.”