Hukom 16:11 - Marahay na Bareta Biblia

¹¹ Sinabihan siya ni Samson, “Kun gaposon nindo ako nin mga bagong pisi na dai pa ginamit, magigin maluya ako siring sa ibang tawo.”

Hukom 16:11 ပူးပေါင်းရင်းမြစ်များ

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Mga Talinhaga 13:5

Ikinakaongis kan matanos na tawo an kaputikan, alagad makasosopog saka maraot an mga tataramon kan tampalasan.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Efeso 4:25

Kaya dai na kamo magputik! An lambang saro magtaram nin totoo sa tugang niya, huli ta kita gabos kabtang kan saro sanang hawak ni Cristo.

Hukom 15:13

“Dai,” an simbag ninda, “gagaposon mi sana ika asin itatao sainda. Dai mi ika gagadanon.” Kaya ginapos ninda si Samson nin duwang bagong pisi asin ilinuwas hale sa lungib.

Hukom 16:10

Nagsabi si Delila ki Samson, “Tinutuyatuya mo ako asin nagputik ka sako. Sabihan na sako kun paano ka magagapos.”

Hukom 16:12

Kaya kuminua si Delila nin bagong mga pisi dangan ginapos siya. Pakatapos nagkurahaw siya, “Samson, uya na an mga Filisteo!” Naghahalat sa ibong na kwarto an mga lalaki. Alagad pinatod ni Samson an mga pisi na garo sana mga torsido.