Hukom 15:7 - Marahay na Bareta Biblia

⁷ Sinabihan ni Samson an mga Filisteo, “Kun siring kaini an saindong ginigibo, isinusumpa kong dai ako maontok sagkod na dai ako nakakabalos saindo.”

Hukom 15:7 ပူးပေါင်းရင်းမြစ်များ

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

Hukom 14:4

Dai naisihan kan mga magurang ni Samson na pasabong idto nin Kagurangnan, huli ta naghahanap sana an Kagurangnan nin dahelan tanganing labanan an mga Filisteo. Kan panahon na idto, an mga Filisteo iyo an nakakasakop sa Israel.

Hukom 15:6

Kan maghapot an mga Filisteo kun siisay an kaggibo kaidto, naisihan nindang si Samson an kaggibo, huli ta itinao kan panugangan niyang taga Timna an saiyang agom sa katood niya. Kaya dinuman kan mga Filisteo an babae dangan sinulo siya asin an harong kan saiyang ama.

Hukom 15:8

Dangan sinalakay niya asin ginaradan an kadaklan sainda. Pakatapos, naghale siya asin nag-erok sa sarong lungib sa ampas nin Etam.