Hukom 15:5 - Marahay na Bareta Biblia

⁵ Dangan sinuloan niya an mga karaba asin binutasan an mga lobo pasiring sa mga oma nin trigo kan mga Filisteo. Sa paaging ini, nasulo niya bako sana an inani nang trigo kundi sagkod an mga aanihon pa, siring man an mga oliba.

Hukom 15:5 ပူးပေါင်းရင်းမြစ်များ

2 Samuel 14:30

Kaya sinabihan ni Absalom an saiyang sorogoon, “Hilinga, kataed kan sakong oma an oma ni Joab asin igwa nin tanom na sebada. Lakaw kamo asin suloa nindo.” Kaya nagduman an mga sorogoon ni Absalom sa oma ni Joab dangan sinulo idto.

Exodo 22:6

“Kun an sarong tawo magsulo sa saiyang oma, asin magkanap an kalayo sa kadootan pasiring sa oma kan iba dangan nasulo an tindog pang mga tinanom o an mga inaning tinambak na, an nagsulo mabayad kan gabos na nasulo.

Exodo 23:11

Alagad sa ikapitong taon pabayaan nindo an daga asin dai nindo pag-anihon an ano man na magtalubo diyan tanganing may makakan an mga dukha, asin an matada makakan kan mga lalaw na hayop. Arog man kaiyan an saindong gibohon sa saindong ubasan saka olibahan.

Hukom 15:4

Naghale siya asin duminakop nin tolong gatos na lobo, dangan manduwa-duwa niyang pinagbugkos an mga ikog asin binugtakan nin karaba an lambang bugkos.

Hukom 15:6

Kan maghapot an mga Filisteo kun siisay an kaggibo kaidto, naisihan nindang si Samson an kaggibo, huli ta itinao kan panugangan niyang taga Timna an saiyang agom sa katood niya. Kaya dinuman kan mga Filisteo an babae dangan sinulo siya asin an harong kan saiyang ama.