Hukom 15:14 - Marahay na Bareta Biblia

¹⁴ Pag-abot ni Samson sa Lehi, sinabat siya kan mga Filisteo na nagdadaralagan asin nagkukurahaw saiya. Bigla siyang pinakosog kan Espiritu nin Kagurangnan asin pinatod niya an mga pisi na nakagapos sa saiyang mga kamot na garo sana mga tinutong na torsido.

Hukom 15:14 ပူးပေါင်းရင်းမြစ်များ

An Libro ni Job 20:5

na an kaogmahan kan maraot dai naghahaloy, asin an kaogmahan kan mga mayong Dios halipot?

Salmo 118:11

Pinalibotan ninda ako, alagad ginaradan ko sinda sa ngaran nin Kagurangnan!

Salmo 18:34

Tinutukdoan niya ako para sa gera, nganing mabingat ko an bronseng pana.

Exodo 14:3

Maghohona an hade na nagkaralagalag an mga Israelita asin nagkaralaom sa kalangtadan.

Exodo 14:5

Kan masabihan an hade kan Egipto na nagdulag an mga Israelita, nagbago nin isip an hade, asin an saiyang mga opisyal. Nagsarabi sinda, “Ano ining ginibo ta? Pinabayaan tang makahale an mga Israelita asin ngunyan nawaraan logod kita nin mga oripon.”

Mikas 7:8

Mayong dahelan tanganing pagngisihan kami kan samong mga kaiwal. Nagkaturumba kami, alagad mabangon giraray kami. Nasa kadikloman kami ngunyan, alagad tatawan kami nin liwanag kan Kagurangnan.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Filipos 4:3

Ika man na maimbod kong kaiba sa trabaho, hinahagad kong tabangan mo an mga babaeng ini, huli ta nagtrabaho sindang maigot kaiba ko sa pagbalangibog kan Marahay na Bareta, kaiba ni Clemente asin kan iba pang mga kapwa ko trabahador na an mga ngaran nasusurat sa libro nin buhay.

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

Hukom 14:6

Biglang pinakosog si Samson kan Espiritu nin Kagurangnan, kaya nagibo niyang baakon kan saiyang kamot an leon na garong sadit sanang kanding. Dai niya inosip sa saiyang mga magurang kun ano an ginibo niya.

Hukom 15:13

“Dai,” an simbag ninda, “gagaposon mi sana ika asin itatao sainda. Dai mi ika gagadanon.” Kaya ginapos ninda si Samson nin duwang bagong pisi asin ilinuwas hale sa lungib.

Hukom 15:9

Dangan nag-abot an mga Filisteo asin nagkampo sa Juda. Sinalakay ninda an banwa nin Lehi.

Hukom 16:12

Kaya kuminua si Delila nin bagong mga pisi dangan ginapos siya. Pakatapos nagkurahaw siya, “Samson, uya na an mga Filisteo!” Naghahalat sa ibong na kwarto an mga lalaki. Alagad pinatod ni Samson an mga pisi na garo sana mga torsido.

Hukom 16:24

Kan maogma na sinda nin marahay, nagsabi sinda, “Padigdiha si Samson tanganing mapaogma niya kita! Kaya kinua ninda siya sa bilanggoan dangan pinag-olog-olog. Pinatindog siya ninda sa tahaw kan duwang harigi. Kan mahiling ninda si Samson, orog pa nindang inomaw an saindang dios: “Itinao sato kan satong dios an kapangganahan laban sa satong kaiwal, na nagraot kan satong daga, na guminadan kan dakul sa sato!”

Hukom 16:9

Sa ibong na kwarto, igwang mga lalaking naghahalat, kaya nagkurahaw si Delila, “Samson, uya na an mga Filisteo!” Alagad pinatod ni Samson an mga lubid kan pana na garo sana mga torsidong nadutaan nin kalayo, kaya dai man giraray ninda naaraman an sekreto kan saiyang kosog.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

Hukom 5:30

“Naghahanap pa sinda nin mabibihag asin mababanga— saro o duwang babae para sa lambang soldados, mamahalon na tela para ki Sisera, mga ginansilyong gubing para sa sakong liog.”

1 Samuel 10:10

Pag-abot ni Saul asin kan saiyang sorogoon sa Gibea, sinabat siya nin sarong grupo nin propeta. Dangan nagdatong saiya an espiritu nin Dios, asin nagsabay siya sainda sa pagpropesiya.

1 Samuel 10:6

Dangan madatong saimo an espiritu nin Kagurangnan, asin masabay ka sainda sa pagpropesiya patin mababago an saimong pagkatawo.

1 Samuel 11:6

Kan madangog ini ni Saul, nag-abot saiya an espiritu nin Dios asin naanggot siya nin marahay.

1 Samuel 17:35

linalamag ko iyan saka ginagadan, asin iliniligtas an kordero. Kun ako an sinasalakay kan leon o oso, kinakapotan ko iyan sa liog asin binabadolan sagkod na magadan.

1 Samuel 4:5

Kan mag-abot sa kampo an Kaban nin Tipan, nagkurahaw sa kaogmahan an mga Israelita, kaya natanyog an daga.