Hukom 14:6 - Marahay na Bareta Biblia

⁶ Biglang pinakosog si Samson kan Espiritu nin Kagurangnan, kaya nagibo niyang baakon kan saiyang kamot an leon na garong sadit sanang kanding. Dai niya inosip sa saiyang mga magurang kun ano an ginibo niya.

Hukom 14:6 ပူးပေါင်းရင်းမြစ်များ

Salmo 91:13

An mga leon saka halas saimong tutungtongan; an ogbon nin leon asin an rimoranon saimong titimaktimakan.

Isaias 42:2

Dai siya makurahaw o malangkaw kan saiyang tingog o magibo nin makokosog na pahayag sa mga tinampo.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mateo 11:29

Salongan nindo an sakong sakal asin mag-adal kamo sako, huli ta ako maboot asin mahuyo; asin makakakua kamo nin kapahingaloan.

Hebreyo 11:33

Huli sa pagtubod sinakop ninda an mga kahadean, ginibo an matanos asin inako an ipinanuga nin Dios. Tinakpan ninda an ngoso kan mga leon;

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.

Hukom 11:29

Dangan uminabot ki Jefta an Espiritu nin Kagurangnan. Naglibot si Jefta sa Gilead asin sa Manases dangan nagbalik sa Mizpa sa Gilead asin nagpadagos sa Ammon.

Hukom 13:25

Nagpoon na siyang hiroon kan Espiritu nin Kagurangnan mantang idtoon siya sa kampo ni Dan sa pagultanan kan Zora saka Estaol.

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.

Hukom 14:5

Kaya nagpasiring sa Timna si Samson kaiba an saiyang ama asin ina. Kan mag-agi sinda sa ubasan duman, nadangog ni Samson an ungal nin sarong ogbon pang leon.

Hukom 14:7

Dangan nagduman siya asin kinaolay an daraga. Nagustohan siya ni Samson.

Hukom 15:15

Dangan nakanumpong siya nin sarong panga nin asno na bago pa sanang magadan. Pinurot niya ini asin ginamit sa paggadan sa sangribong Filisteo.

Hukom 15:8

Dangan sinalakay niya asin ginaradan an kadaklan sainda. Pakatapos, naghale siya asin nag-erok sa sarong lungib sa ampas nin Etam.

Hukom 16:30

Nagkurahaw si Samson, “Tugoteng magadan na ako kaiba kan mga Filisteo.” Inubos niya an saiyang kosog, asin narumpag an edipisyo. Nagkadaratogan an limang hade asin an gabos na yaon duman. Mas dakul an nagadan ni Samson sa saiyang pagkagadan ki sa nagadan niya kan siya buhay pa.

Hukom 3:10

Uminabot saiya an Espiritu nin Kagurangnan, asin siya an nagin lider nin Israel. Nakigera siya asin pinapanggana nin Kagurangnan laban sa hade nin Mesopotamia.

1 Samuel 10:16

“Sinabihan niya kaming nakua na an mga hayop,” an simbag ni Saul. Alagad dai siya nagsambit kan sinabi ni Samuel dapit sa saiyang pagigin hade.

1 Samuel 10:6

Dangan madatong saimo an espiritu nin Kagurangnan, asin masabay ka sainda sa pagpropesiya patin mababago an saimong pagkatawo.

1 Samuel 11:6

Kan madangog ini ni Saul, nag-abot saiya an espiritu nin Dios asin naanggot siya nin marahay.

1 Samuel 14:1

Sarong aldaw, sinabihan ni Jonatan an hoben na lalaking paradara kan saiyang armas, “Madya, magduman kita sa kampo kan mga Filisteo.” Alagad dai pinaisi ni Jonatan an ama niyang si Saul,

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.