Hukom 14:18 - Marahay na Bareta Biblia

¹⁸ Kaya kan ikapitong aldaw bago maglaog sa kwarto si Samson, nagsabi ki Samson an kalalakihan kan syudad, “Ano pa an maorog sa hamis kan dugos? Ano pa an maorog sa kosog nin sarong leon?” Nagsimbag si Samson, “Kun dai nindo ipinag-arado an sakong baka, sagkod ngunyan dai pa nindo nasimbag an sakong paokod.”

Hukom 14:18 ပူးပေါင်းရင်းမြစ်များ

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

Salmo 81:16

Alagad ipapakakan ko saindo an pinakamarahay na trigo asin babasogon ko kamo sa dugos na hale sa gapo.”

Mga Talinhaga 30:30

an leon, an pinakamakosog sa gabos na hayop asin dai natatakot sa kiisay man;

Ezekiel 1:10

An lambang linalang igwa nin apat na manlaen-laen na lalawogon: lalawogon nin tawo sa atubangan, lalawogon nin leon sa too, lalawogon nin torong baka sa wala, asin lalawogon nin agila sa likod.

Hukom 14:17

Kaya sa laog kan pitong aldaw nin pyesta, naghihibi sa atubang ni Samson an saiyang agom. Alagad sa ikapitong aldaw, isinabi ni Samson sa babae an simbag kan paokod huli ta dai siya inontokan kaini. Dangan inosip kan babae an simbag sa kapwa niya Filisteo.

Hukom 14:19

Dangan biglang pinakosog si Samson kan Espiritu nin Kagurangnan, asin naglugsot siya pasiring sa Askelon; ginadan niya an treyntang lalaki duman, hinubaan sinda dangan itinao niya an mga gubing nindang pangpyesta sa mga nakasimbag kan paokod. Dangan anggot siyang nagpuli sa harong nin saiyang ama huli kan nangyari.