Hukom 14:17 - Marahay na Bareta Biblia

¹⁷ Kaya sa laog kan pitong aldaw nin pyesta, naghihibi sa atubang ni Samson an saiyang agom. Alagad sa ikapitong aldaw, isinabi ni Samson sa babae an simbag kan paokod huli ta dai siya inontokan kaini. Dangan inosip kan babae an simbag sa kapwa niya Filisteo.

Hukom 14:17 ပူးပေါင်းရင်းမြစ်များ

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

An Libro ni Job 2:9

Sinabihan siya kan saiyang agom, “Sagkod ngunyan, maimbod ka pa giraray sa Dios? Maldisyonon mo siya, asin magadan ka na!”

Mga Talinhaga 7:21

Huli kan mga tataramon na nandadagka, nagsuko an hoben.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Lukas 11:8

Sinasabihan ko kamo, maski habo siyang magbangon nganing tawan ka kan hinahagad mo, mabangon na sana siya asin matao bakong huli ta magkatood kamo kundi huli sa kapipirit mo.

Hukom 14:16

Kaya naghihibi na nagduman ki Samson an saiyang agom asin nagsabi, “Dai mo ako namomotan! Anggot ka sako! Pinaokod mo an sakong mga katood alagad dai mo sako isinabi kun ano an simbag.” Nagsimbag si Samson, “Kun dai ko ngani sinabihan an mga magurang ko, ika pa daw?”

Hukom 14:18

Kaya kan ikapitong aldaw bago maglaog sa kwarto si Samson, nagsabi ki Samson an kalalakihan kan syudad, “Ano pa an maorog sa hamis kan dugos? Ano pa an maorog sa kosog nin sarong leon?” Nagsimbag si Samson, “Kun dai nindo ipinag-arado an sakong baka, sagkod ngunyan dai pa nindo nasimbag an sakong paokod.”

Hukom 16:13

Kaya sinabihan ni Delila si Samson, “Sagkod ngunyan tinutuya-tuya mo ako, asin anas putik an sinabi mo sako. Sabihan na sako kun paano ka magagapos.” Sinabihan siya ni Samson, “Kun habolon mo an pitong sinalapid kong buhok asin ikaporopot mo iyan sa sarong taldok, magigin maluya ako siring sa ibang tawo.”

Hukom 16:16

Dangan inoro-aldaw ni Delila an paghapot asin pagpirit ki Samson. Nauyam si Samson sa kapipirit ni Delila,

Hukom 16:6

Kaya sinabihan ni Delila si Samson, “Sabihan daw sako kun saen naghahali an kosog mo, asin kun paano ka gagaposon tanganing dai ka na makalaban.”