Hukom 14:15 - Marahay na Bareta Biblia

¹⁵ Sa ikaapat na aldaw, sinabihan ninda an agom ni Samson, “Dagkahon mo an saimong agom tanganing ikasabi sato an simbag kan paokod. Kun dai, susuloon mi ika asin an harong nin saimong ama. Tibaad inalok nindo kami tanganing habonan nindo.”

Hukom 14:15 ပူးပေါင်းရင်းမြစ်များ

Mga Talinhaga 1:11

Kun magsabi sinda, “Madya, maghipa kita nin tawong magagadan! Maski mayo nin dahelan, salakayon ta an tawong mayo nin kasalan.

Mga Talinhaga 5:3

Huli ta maski nagtatagdo nin dugos an mga ngabil kan agom nin ibang lalaki, asin mas mahalnas pa ki sa lana an saiyang dila,

Mga Talinhaga 6:26

Matatandanan nin lalaki an sarong maraot na babae sa halaga nin sarong tinapay, alagad an pakidorog sa bakong agom katimbang kan saiyang buhay.

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Hukom 12:1

Nag-andam an kalalakihan nin Efraim para sa pakigera. Binalyo ninda an Jordan dangan nagpasiring sa Zafon. Sinabihan ninda si Jefta, “Tano ta luminampas ka kan pagdolonan asin nakilaban sa mga Ammonita na dai mo kami ipinaapod tanganing mag-iba saimo? Susuloon mi an saimong harong kaiba ka!”

Hukom 14:14

Nagsabi si Samson, “Luminuwas sa parakakan an sarong bagay na makakakan. Luminuwas sa makosog an sarong bagay na mahamis.” Nakalihis an tolong aldaw alagad dai pa ninda nakukua an simbag kan paokod.

Hukom 15:6

Kan maghapot an mga Filisteo kun siisay an kaggibo kaidto, naisihan nindang si Samson an kaggibo, huli ta itinao kan panugangan niyang taga Timna an saiyang agom sa katood niya. Kaya dinuman kan mga Filisteo an babae dangan sinulo siya asin an harong kan saiyang ama.

Hukom 16:5

Dinuman si Delila kan limang hade kan mga Filisteo asin sinabihan, “Dagkahon mo si Samson na sabihan ka kun ano an nagpapakosog saiya, asin aramon mo kun paano ta siya madadaog tanganing magapos ta siya asin dai na makalaban. Kun magibo mo iyan, an lambang saro samo matao saimo nin mil syen na pedaso nin plata.”