Hukom 13:5 - Marahay na Bareta Biblia

⁵ huli ta magbabados ka asin mangangaki nin lalaki. Dai mo pagputolon an saiyang buhok huli ta poon sa pagkamundag niya, lalaenon na siya para sa Dios bilang sarong Nazireo. Siya an mapoon sa pagligtas kan Israel sa kamot kan mga Filisteo.”

Hukom 13:5 ပူးပေါင်းရင်းမြစ်များ

2 Samuel 8:1

Pakatapos kaini, sinalakay giraray ni David an mga Filisteo. Dinaog niya sinda, asin tinapos niya an saindang pagsakop sa daga.

1 Mga Cronica 18:1

Pakatapos kaini, sinalakay giraray ni David an mga Filisteo. Dinaog niya sinda, asin tinapos niya an saindang pagsakop sa syudad nin Gat patin sa mga baryo sa palibot kaiyan.

Amos 2:11

Pinili ko an nagkapira sa saindong mga aking lalaki tanganing magin mga propeta, asin an nagkapira sa hoben na lalaki tanganing magin Nazireo. Bakong totoo ini, banwaan nin Israel? Ako, an Kagurangnan, an nagtaram.

Mga Bilang 6:5

Sa bilog na panahon kan saiyang pagigin Nazireo, dai niya puputolan an saiyang buhok, ni aahiton an saiyang barabas. Nabubugkos siya kan panuga sa bilog na panahon na nagdusay siya kan saiyang buhay sa Kagurangnan asin papahalabaon niya an saiyang buhok saka barabas.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Hukom 16:17

kaya isinabi niya an katotoohan. “Dai pa nadutaan nin labaha an sakong buhok, huli ta nasa tulak pa sana ako kan sakong ina, idinusay na ako sa Dios bilang sarong Nazireo. Kaya kun maputol an sakong buhok, mawawara an sakong kosog asin magigin maluya ako siring sa ibang tawo.”

1 Samuel 1:11

Nagsumpa si Hanna, “O Kagurangnan nin mga hukbo, hilinga an pagtios ko an saimong sorogoon, asin giromdoma ako! Hare ako paglingawe! Kun tawan mo ako nin aking lalaki, nanunuga ako na lalaenon ko siya para saimo sa bilog niyang pagkabuhay asin dai nanggad puputolon an saiyang buhok.”

1 Samuel 7:13

Kaya nadaog an mga Filisteo asin dai nanggad sinda tinugotan nin Kagurangnan na masakop an Israel mantang nabubuhay pa si Samuel.