Hukom 13:3 - Marahay na Bareta Biblia

³ Nagpahiling sa babae an anghel nin Kagurangnan asin nagsabi, “Sagkod ngunyan dai ka pa nag-aaki, alagad magbabados ka asin mangangaki nin lalaki.

Hukom 13:3 ပူးပေါင်းရင်းမြစ်များ

Genesis 17:16

Bebendisyonan ko siya asin tatawan taka nin aking lalaki huli saiya. Bebendisyonan ko siya asin magigin ina siya nin mga nasyon patin magigin hade an ibang magikan saiya.”

Genesis 18:10

Nagtaram an Kagurangnan, “Pakalihis nin siyam na bulan, mabalik ako asin magkakaigwa na nin aking lalaki an saimong agom na si Sara.” Nadangog ini ni Sara na naghihimate sa may pintoan kan tolda, sa likodan kan nagtaram.

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

2 Mga Hade 4:16

Nagsabi saiya si Eliseo, “Sa siring kaining panahon, sa sunod na taon, mangangaki ka nin sarong lalaki.” Nagsabi an babae, “Sorogoon nin Dios, dai ka magputik sako!”

Lukas 1:11

Nagpahiling saiya an sarong anghel nin Kagurangnan na nagtitindog sa too kan altar nin insenso.

Lukas 1:13

Alagad sinabihan siya kan anghel, “Dai ka matakot, Zacarias! Dinangog nin Dios an pamibi mo; mangangaki nin lalaki an saimong agom, asin Juan an ingangaran mo sa aki.

Hukom 13:10

kaya nagdalagan siya asin sinabihan si Manoa, “Hilinga ta nagpahiling na naman an lalaking nagdolok sako kan sarong aldaw.”

Hukom 13:15

Dai naisihan ni Manoa na iyo idto an anghel nin Kagurangnan, kaya sinabihan niya, “Dai ka ngona maghale. Maluto kami nin ogbon pang kanding para saimo.” Alagad nagsimbag an anghel, “Kun pugolon nindo ako, dai ko man kakakanon an saindong pagkakan; alagad kun maandam kamo, tutongon na sana nindo bilang dolot sa Kagurangnan.

Hukom 13:6

Dinuman tolos kan babae an saiyang agom dangan sinabihan, “Sarong sorogoon nin Dios an nagdigdi sako. Makangirhat an saiyang lalawogon na arog kan sa anghel nin Dios. Dai ko siya hinapot kun saen siya hale asin dai man niya sinabi an saiyang ngaran.

Hukom 13:8

Dangan namibi si Manoa sa Kagurangnan, “O Kagurangnan, pabalika man samo an sorogoon nin Dios na sinugo mo tanganing sabihan kami kun ano an samong gigibohon sa oras na mamundag an aki.”

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.

Hukom 6:14

Dangan pinagbotan siya nin Kagurangnan, “Lakaw sa bilog mong kosog asin ligtasan sa mga Midianita an banwaan nin Israel. Ako mismo an minasugo saimo.”

1 Samuel 1:20

Nagbados si Hanna asin nangaki nin lalaki. Nginaranan niya ining Samuel, huli ta olay niya, “Hinagad ko siya sa Kagurangnan.”