Hukom 13:20 - Marahay na Bareta Biblia

^20-21 Mantang nag-iitaas an kalayo hale sa altar, nahiling kan mag-agom na nag-iitaas sa langit an anghel nin Kagurangnan kaiba kan kalayo. Dangan nasabotan ni Manoa na an lalaki iyo palan an anghel nin Kagurangnan, kaya nagdapa an mag-agom sa daga. Dai na nanggad ninda nahiling an anghel.

Hukom 13:20 ပူးပေါင်းရင်းမြစ်များ

Genesis 17:3

Nagdapa si Abram sa daga dangan nagtaram saiya an Dios,

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

1 Mga Cronica 21:21

Kan mahiling ni Arauna na nagdadangadang si David, binayaan niya an ginikan asin nagdapa sa pagtaong galang sa hade.

1 Mga Cronica 21:26

Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

Salmo 47:5

An Dios suminakat kaiba an kinurahaw, an Kagurangnan kaiba an tanog nin trompeta.

Ezekiel 1:26

Sa ibabaw kan arko igwa nin garo trono na gibo sa safiro; asin nagtutukaw sa trono an sarong garo tawo.

Ezekiel 1:28

na igwa kan gabos na kolor kan bulalangaw. Iyo ini an nakakasulang liwanag na nagpapahiling kan kamurawayan nin Kagurangnan.

Daniel 10:9

Kan madangog ko an saiyang tingog, mayong pakaising natumba akong padapa sa daga.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Mateo 17:6

Kan madangog ini kan mga disipulo, nagdapa sinda sa takot.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hukom 6:19

Kaya nagpuli si Gideon sa saiyang harong asin nagluto nin sarong ogbon pang kanding. Nagkua siya nin sampolong kilong arina asin ginibo niyang tinapay na mayong lebadura. Pakatapos, ilinaog niya sa basket an linutong karne asin ibinugtak an sabaw sa koron dangan dinara idto sa anghel nin Kagurangnan na naghahalat sa poon kan kahoy na hamurawon, saka itinao idto.

Hukom 6:21

Dangan an karne saka tinapay dinutaan kan anghel nin Kagurangnan kan poro kan saiyang sugkod. Biglang luminuwas an kalayo hale sa gapo asin tinutong an karne sagkod an tinapay. Pakatapos kaini, nawara an anghel.