Hukom 13:14 - Marahay na Bareta Biblia

¹⁴ Dai siya dapat magkakan kan ano man na hale sa balagon nin ubas. Dai siya dapat mag-inom nin arak o maisog na inomon, ni magkakan kan arin man sa mga ipinapangalad na pagkakan. Kaipuhan otobon niya an gabos na sinabi ko.”

Hukom 13:14 ပူးပေါင်းရင်းမြစ်များ

Jeremias 35:6

Alagad nagsimbag sinda, “Dai kami nag-iinom nin arak huli ta pinagbotan kami kan samong ginikanan na si Jonadab, na aking lalaki ni Recab na sagkod pa man dai kami mag-inom nin arak, siring man an samong mga kapagarakian.

Mga Bilang 6:2

na itao an minasunod na mga katukdoan sa mga Israelita. Kun an sarong lalaki o sarong babae manuga na magigin saro siyang Nazireo asin lalaenon niya an saiyang sadiri sa Kagurangnan,

Mga Bilang 6:4

Sa bilog na panahon nin saiyang pagigin Nazireo, dai siya makakan nin anoman na gikan sa poon nin ubas, maski kan ubak o pisog kaini.

Mateo 28:20

Tukdoan nindo sindang magkuyog kan gabos na ipinaboot ko saindo. Giromdomon nindo ini: danay akong kaiba nindo sagkod sa kataposan kan panahon.”

Juan 15:14

Mga katood ko kamo kun gibohon nindo an mga ipinagboboot ko saindo.

Juan 2:5

Alagad sinabihan kan ina ni Jesus an mga sorogoon, “Giboha nindo an anoman na sabihon niya.”

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

2 Tesalonica 3:4

Nananarig kami sa Kagurangnan dapit saindo, na ginigibo asin padagos nindong gigibohon an mga ipinagboot mi saindo.

Hukom 13:4

Dai ka nanggad mag-inom nin arak o maisog na inomon, ni magkakan kan mga ipinapangalad na pagkakan,

Hukom 13:7

Alagad sinabihan niya ako na mabados daa ako asin mangangaki nin lalaki. Dai daa ako dapat na mag-inom nin arak o ano man na maisog na inomon, ni magkakan kan arin man sa mga ipinapangalad na pagkakan, huli ta an aki lalaenon para sa Dios bilang sarong Nazireo sagkod na siya magadan.”