Hukom 12:6 - Marahay na Bareta Biblia

⁶ pinapasabi ninda ini nin “Shibbolet.” Alagad “Sibbolet” an nasasabi niya huli ta dai niya aram an tamang pagsabi kaiyan. Dangan dinadakop ninda siya asin ginagadan duman sa lugar na pwedeng pagbalyohan sa Jordan. Kan panahon na idto, kwarenta y dos mil an nagkagaradan sa mga taga Efraim.

Hukom 12:6 ပူးပေါင်းရင်းမြစ်များ

Salmo 69:15

Hare pagtugot na lantopan ako kan baha; hare pagtugot na halonon ako kan kairaroman, o matambonan sa lulubngan.

Salmo 69:2

Nag-iirarom ako sa laboy, asin mayo nin daga na matutongtongan. Nakakaabot ako sa tubig na hararom, nalalantopan ako kan mga alon.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 18:19

Tabangan mo an saimong tugang asin iingatan ka niya arog kan pusog na kudal nin syudad, alagad kun iwalon mo siya, seserahan ka niya nin pintoan.

Parahulit 10:12

An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Isaias 27:12

Sa aldaw na iyan, magpoon sa Salog nin Eufrates sagkod sa pagdolonan kan Egipto, saro-sarong titiponon nin Kagurangnan an saiyang banwaan, siring sa sarong tawo na naglalaen kan trigo sa ata.

Mateo 12:25

Aram ni Jesus an mga nasa boot ninda, kaya sinabihan niya sinda, “Marurumpag an arin man na kahadean na nababanga; mawawasak an arin man na banwaan o pamilya na nababanga.

Mateo 26:73

Dai nahaloy, an mga tawong idtoon duman nagdolok ki Pedro asin nagsabi, “Talaga mananggad na saro ka sainda huli ta naririsa ka sa pagtaram mo!”

Markos 14:70

Alagad pinagnegaran giraray iyan ni Pedro. Dangan an mga nagtitirindog duman nagsabi giraray ki Pedro, “Dai ka makakanegar na saro ka sainda, huli ta taga Galilea ka.”

Galacia 5:15

Alagad kun garo kamo mga hayop na nagdudurulakan, mapapahamak kamo gabos. Kaya mag-ingat kamo.

Hukom 12:5

Tanganing dai nin makadulag sa sainda, binantayan kan mga taga Gilead an mga lugar sa salog na pwedeng pagbalyohan. Kaya kun an sarong taga Efraim na naghihingowang makadulag minapaising magbalyo, hinahapot siya kan mga lalaking taga Gilead, “Taga Efraim ka ano?” Kun magsimbag siyang, “Bako,”

Hukom 12:7

Nagin hukom si Jefta sa Israel sa laog nin anom na taon. Dangan nagadan siya asin ilinubong sa sadiri niyang banwa sa Gilead.