Hukom 12:4 - Marahay na Bareta Biblia

⁴ Dangan tiniripon ni Jefta an gabos na kalalakihan sa Gilead asin linabanan ninda dangan dinaog an mga taga Efraim. (Nagsarabi an mga taga Efraim, “Kamong mga taga Gilead na yaon sa Efraim asin sa Manases, mga paradulag kamo sa Efraim!”)

Hukom 12:4 ပူးပေါင်းရင်းမြစ်များ

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

Nehemias 4:4

Namibi ako, “O Dios, dangoga an pagtuyatuya ninda samo; mahulog logod sa saindang payo an saindang paglibak. Mahabon logod an gabos nindang rogaring saka madara sinda bilang mga bihag sa dayuhan na daga.

Salmo 78:9

An mga Efraimita, na armado nin mga pana, nagdurulag sa aldaw nin ralaban.

Mga Talinhaga 12:13

An maraot na tawo nasisiod kan sadiring tataramon, alagad nakakalikay sa anoman na pag-alaman an matanos.

Mga Talinhaga 15:1

An mahuyong pagsimbag nakakahale nin kaanggotan, alagad an matarom na tataramon minapaorog kaiyan.

Hukom 11:10

Nagsimbag sinda, “Oyon kami. An Kagurangnan an satong saksi.”

Hukom 12:3

Kan mahiling kong habo kamong magtabang, ibinugtak ko sa pag-alaman an sakong buhay, lunampas ako sa pagdolonan tanganing makilaban sainda. Tinabangan ako nin Kagurangnan kaya nanggana ako. Tano ta ngunyan boot nindo akong kalabanon?”

Hukom 12:5

Tanganing dai nin makadulag sa sainda, binantayan kan mga taga Gilead an mga lugar sa salog na pwedeng pagbalyohan. Kaya kun an sarong taga Efraim na naghihingowang makadulag minapaising magbalyo, hinahapot siya kan mga lalaking taga Gilead, “Taga Efraim ka ano?” Kun magsimbag siyang, “Bako,”

1 Samuel 25:10

Nagsimbag si Nabal, “Siisay si David? Mayo akong midbid na siring an ngaran! Kadakul ngunyan an mga oripon na nagdudulag sa saindang mga kagurangnan!