Hukom 12:3 - Marahay na Bareta Biblia

³ Kan mahiling kong habo kamong magtabang, ibinugtak ko sa pag-alaman an sakong buhay, lunampas ako sa pagdolonan tanganing makilaban sainda. Tinabangan ako nin Kagurangnan kaya nanggana ako. Tano ta ngunyan boot nindo akong kalabanon?”

Hukom 12:3 ပူးပေါင်းရင်းမြစ်များ

2 Mga Cronica 13:12

An Dios kaibahan mi asin iyo an samong pamayo; andam an saiyang mga padi sa pagpatanog kan mga trompeta tanganing labanan nyamo kamo. Banwaan nin Israel, hare kamo pagtumang sa Kagurangnan, an Dios kan saindong mga ginikanan, huli ta dai kamo manggagana!”

An Libro ni Job 13:14

“Andam ako sa anoman na pag-alaman.

Salmo 119:109

Danay na nasa pag-alaman an sakong buhay, alagad dai ko nalilingawan an saimong katogonan.

Roma 16:4

Ibinugtak ninda sa pag-alaman an saindang buhay ngani sana akong ikaligtas; kaya nagpapasalamat ako sainda—bako sanang ako, kundi an gabos na simbahan kan mga pagano.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Hukom 11:27

Dai ako nagkasala saimo; ika an minagibo nin maraot sako huli ta kinakalaban mo ako. An Kagurangnan an Hukom; siya an maghukom sa mga Israelita asin sa mga Ammonita.”

Hukom 12:2

Alagad nagsimbag si Jefta, “Ako asin an sakong banwaan igwa nin makuring iriwal saka an mga Ammonita. Ipinaapod ko kamo alagad habo kamong magtabang sako.

Hukom 12:4

Dangan tiniripon ni Jefta an gabos na kalalakihan sa Gilead asin linabanan ninda dangan dinaog an mga taga Efraim. (Nagsarabi an mga taga Efraim, “Kamong mga taga Gilead na yaon sa Efraim asin sa Manases, mga paradulag kamo sa Efraim!”)

Hukom 9:17

Giromdoma nindo na nakilaban an sakong ama para saindo. Itinaya niya an saiyang buhay tanganing iligtas kamo sa mga Midianita.

1 Samuel 19:5

Ibinugtak niya sa pag-alaman an saiyang buhay kan gadanon niya si Goliat, asin sarong dakulang panggana an ginibo nin Kagurangnan para sa Israel. Kan mahiling mo iyan, naogma ka. Tadaw ta ngunyan boot mong magkasala laban sa sarong tawong mayo nin sala arog ki David, sa paagi nin paggadan saiya na mayo nin ano man na dahelan?”

1 Samuel 28:21

Dinolok siya kan babae asin nahiling kaini na kanigoan an takot ni Saul, kaya sinabihan niya si Saul, “Mahal na Hade, ibinugtak ko sa pag-alaman an sakong buhay huli sa pagsunod kan hinagad mo.