Hukom 11:36 - Marahay na Bareta Biblia

³⁶ Sinimbag siya kan saiyang aki, “Kun nanuga ka sa Kagurangnan, giboha sako sosog sa sinabi mo, huli ta pinabalos ka na niya sa mga kaiwal mong Ammonita.”

Hukom 11:36 ပူးပေါင်းရင်းမြစ်များ

2 Samuel 18:19

Dangan nagsabi ki Joab si Ahimaaz, an aking lalaki ni Zadok, “Tugote akong magdalagan asin magdara kan marahay na bareta sa hade na ilinigtas siya nin Kagurangnan sa saiyang mga kaiwal.”

2 Samuel 18:31

Dangan nag-abot an oripon na taga Sudan asin nagsabi sa hade, “Dara ko an marahay na bareta para sa mahal na hade! Pinapanggana ka ngunyan na aldaw nin Kagurangnan laban sa gabos na nagrebelde saimo!”

2 Samuel 19:30

Nagsabi si Mefiboset sa hade, “Tawan na sana gabos ki Ziba. Tama na para sako na nakapuling ligtas an mahal na Hade.”

Mga Bilang 30:2

Kun an sarong lalaki manuga nin ano man sa Kagurangnan o manumpa na malikay sa sarong bagay, kaipuhan dai niya paglapason an saiyang panuga; kaipuhan gibohon niya an gabos sosog sa saiyang sinabi.

Mga Gibo 20:24

Alagad para sako mayo nin halaga an buhay ko; boot ko sanang matapos an misyon na inako ko ki Jesus na Kagurangnan, na iyo an pagpahayag kan Marahay na Bareta dapit sa biyaya nin Dios.

Mga Gibo 21:13

Alagad nagsimbag siya, “Tadaw ta nagtatangis kamo asin pinapaluya nindo an boot ko? Andam ako bako sanang magpabilanggo kundi maski magpagadan sa Jerusalem dahel sa Kagurangnan na Jesus.”

Roma 16:4

Ibinugtak ninda sa pag-alaman an saindang buhay ngani sana akong ikaligtas; kaya nagpapasalamat ako sainda—bako sanang ako, kundi an gabos na simbahan kan mga pagano.

Filipos 2:30

huli ta ibinugtak niya sa pag-alaman an saiyang buhay, na dikit pang mawara, huli sa paglingkod ki Cristo tanganing ikatao sako an tabang na dai nindo ikinatao.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;