Hukom 11:3 - Marahay na Bareta Biblia

³ Nagdulag si Jefta sa saiyang mga tugang asin nag-erok sa daga nin Tob. Duman, nakipagsaro saiya an grupo nin mayong halagang mga tawo asin nag-iriba sinda saiya.

Hukom 11:3 ပူးပေါင်းရင်းမြစ်များ

2 Samuel 10:6

Kan nahiling kan mga Ammonita na nagin kaiwal ninda si David, tinandanan ninda an beynte mil na soldados nin Siria hale sa Bet-rehob asin sa Zoba, an dose mil na kalalakihan hale sa Tob, asin an hade nin Maaca, kaiba an sangribong tawohan niya.

2 Samuel 10:8

Nagruluwas an mga Ammonita asin nagtirindog sa pakilaban duman sa palaog sa Rabba, an saindang pangenot na syudad, mantang yaon sa kahiwasan an mga taga Siria asin an kalalakihan na hale sa Tob saka Maaca.

Mga Gibo 17:5

Alagad naori an mga Judio, kaya tiniripon ninda an nagkapirang hampaslupa dangan pinaribok ninda an bilog na syudad. Sinakat ninda an harong ni Jason sa paghanap ki Pablo asin ki Silas tanganing iatubang sa mga tawo.

Hukom 11:2

igwa pa nin ibang aking lalaki sa tunay na agom. Kan magdarakula na an mga aki, pinalayas ninda si Jefta dangan sinabihan, “Dai ka nin mamanahon sa samong ama huli ta aki ka nin ibang babae.”

Hukom 9:4

Tinawan ninda siya nin setentang pedasong plata na hale sa templo ni Baal-berit, asin itinandan niya an kwartang ini sa mga mayong halagang tawo tanganing mag-iba saiya.

1 Samuel 22:2

Nagduman man ki David an mga tawong inapi, an mga may utang asin an mga bakong kontento sa buhay, haros apat na gatos gabos, asin si David an saindang nagin pamayo.

1 Samuel 27:2

Kaya kaiba an anom na gatos niyang mga tawohan, nagduman si David ki Akis na aking lalaki ni Maoc, na hade nin Gat.